ດາວໂຫຼດຟອມສະໝັກຮຽນໄດ້ທີ່: https://goo.gl/BmCNYh

ຮຽນ:    ທ່ານ ຜູ້ອຳນວຍການບໍລິສັດ ແລະ ສະມາຊິກ ສຄອ ແຫ່ງຊາດລາວ ທີ່ ນັບຖື !

ເລື່ອງ:    ເຊີນເຂົ້າຮ່ວມຝຶກອົບຮົມໃນຫົວຂໍ້ :   “ Professional Employee Development Program ”    ຫຼັກສູດ
ການພັດທະນາບຸກຄະລາກອນ ຢ່າງມືອາຊີບໃນວັນທີ 17-21/09/2018, ທີ່ ສະພາການຄ້າ ແລະ ອຸດສະຫະກຳ
ແຫ່ງຊາດລາວ.

–  ອີງຕາມການຮ່ວມມືລະຫວ່າງສະພາການຄ້າ ແລະ ອຸດສາຫະກຳແຫ່ງຊາດລາວ (ສຄອຊ) ແລະ ສະມາຄົມສົ່ງເສີມດ້ານວິຊາການ ເພື່ອການຮ່ວມມືແບບຍືນຍົງ ຂອງປະເທດຍີ່ປຸ່ນ ປະຈຳບາງກອກ AOTS ສົກປີ 2018.

ສະພາການຄ້າ ແລະ ອຸດສາຫະກຳ ແຫ່ງຊາດລາວ ຂໍຖືເປັນກຽດແຈ້ງເຊີນມາຍັງທ່ານເພື່ອຄັດເລືອກພະນັກງານເຂົ້າຮ່ວມຝຶກອົບຮົມ ຫົວຂໍ້  “ Professional Employee Development Program ”    ບັນຍາຍໂດຍອາຈານທີ່ມີປະສົບການສູງຈາກປະເທດໄທ, ເຊິ່ງຈະໄດ້ລົງເລິກກ່ຽວວິທີການນຳໃຊ້ລະບົບ 5s for Productivity, Kaizen for Productivity, 7 QC Tools ແລະ ກໍລະນີສຶກສາຕ່າງໆ. (ລາຍລະອຽດຄັດຕິດມາພ້ອມນີ້).

ຈຸດປະສົງ:

• ພັດທະນາໃນການສ້າງຂີດຄວາມສາມາດພະນັກງານ, ການຈັດລະບຽບໃນສະຖານທີ່ເຮັດວຽກ, ການປະຫຍັດເວລາ ແລະຕົ້ນທຶນ, ຫຼຸດຂັ້ນຕອນການຜະລິດ ແລະ ຈັດການກັບສິ່ງເສດເຫຼືອຢ່າງເປັນລະບົບ, ການກວດກາຄຸນນະພາບສິນຄ້າ, ເພື່ອເພີ່ມການຜະລິດໃຫ້ໄດ້ປະສິດທິພາບ ແລະ ປຶກສາຫາລືຕົວຈິງທີ່ເກີດຂື້ນໃນອົງກອນຂອງທ່ານ, ກໍລະນີສຶກສາໃນປະເທດຍີ່ປຸ່ນ, ປະເທດໄທ ແລະ ໃນ ສປປ ລາວ.

ເປົ້າໝາຍ ຜູ່ເຂົ້າຮ່ວມ: ຫົວໜ້າພະແນກ/ຂະແໜງ/ໜ່ວຍງານ, ຜູ່ຄຸ້ມຄອງສາງເກັບມ້ຽນ, ຜູ່ກວດກາການຜະລິດ, ຜູ່ບໍລິຫານລະດັບກາງ – ສູງ, ຄະນະອໍານວຍການ, ຜູ່ທີ່ມີປະສົບການໃນຂົງເຂດວຽກງານທີ່ກ່ຽວຂ້ອງສາຍການຜະລິດ ແລະ ບຸກຄົນທົ່ວໄປທີ່ມີຄວາມສົນໃຈ ແລະ ຍາກພັດທະນາຄວາມຮູ້ ຄວາມສາມາດຂອງຕົນເອງ.

ລາຍລະອຽດ ແລະ ເອກະສານປະກອບການຝຶກອົບຮົມ:

• ເອກະສານ ພາສາລາວ ແລະ ພາສາອັງກິດ;
• ການບັນຍາຍເປັນພາສາໄທ;
• ມີອາຫານຫວ່າງ ແລະ ອາຫານທ່ຽງໃຫ້ຜູ່ເຂົ້າຮ່ວມ;
• ຜູ້ທີ່ເຂົ້າຮ່ວມເຕັມຊົ່ວໂມງ ຈຶ່ງຈະໄດ້ຮັບໃບຢັ້ງຢືນການຝຶກອົບຮົມ;
• ຮັບຈຳນວນຈຳກັດ ພຽງແຕ່ 50 ທ່ານ ເທົ່ານັ້ນ (ເຂົ້າຮ່ວມຟຣີ ບໍ່ມີຄ່າໃຊ້ຈ່າຍໃນການສະໝັກ ສະເພາະຜູ້ທີ່ເປັນ ສະມາຊິກ ສຄອ ແຫ່ງຊາດລາວ).
• ຜູ້ທີ່ເຄີຍເຂົ້າຮ່ວມແລ້ວຈະບໍ່ສາມາດເຂົ້າຮ່ວມໄດ້ອີກ.

ກະລຸນາສົ່ງຟອມສະໝັກ ໃຫ້ພະແນກພັດທະນາແວດລ້ອມທຸລະກິດ ແລະ ວຽກງານຕາງໜ້າຜູ່ໃຊ້ແຮງງານກ່ອນວັນທີ 10 ກັນຍາ 2018. ຜູ້ສະໝັກທີ່ສົ່ງຟອມຕາມກໍານົດເທົ່ານັ້ນຈະຖືກພິຈາລະນາເຂົ້າຮ່ວມຝຶກອົບຮົມ.

ຜູ່ປະສານງານ:

• ນາງ ວິລັກ 020 2980 4379, ອີເມວ vilack_lncci@hotmail.com
• ນາງ ດາລາວອນ 020 5526 1789, ອີເມວ  dalavone@gmail.com
• ທ່ານ ຄຳສອນ 020 5594 6471,  ອີເມວ khamsonesili@gmail.com

ດັ່ງນັ້ນ, ຈຶ່ງຮຽນສະເໜີມາຍັງທ່ານໄດ້ພິຈາລະນາເຂົ້າຮ່ວມຕາມການເຊີນໃນຄັ້ງນີ້ດ້ວຍ.