ກອງປະຊຸມ ເຜີຍແຜ່ກ່ຽວກັບ ການປະເມີນສະພາບແວດລ້ອມການດຳເນີນທຸລະກິດ ແລະ ລົງທຶນ Business Ready (B-READY) ຂອງທະນາຄານໂລກ, ໃນວັນທີ 12 ພຶດສະພາ 2023, ທີ່ຫ້ອງປະຊຸມ ກະຊວງແຜນການ ແລະ ການລົງທຶນ

ທ່ານ ທະນູສອນ ພົນອາມາດ, ຮອງປະທານ ສະພາການຄ້າ ແລະ ອຸດສາຫະກຳ ແຫ່ງຊາດລາວ ໄດ້ເຂົ້້າຮ່ວມກອງປະຊຸມເຜີຍແຜ່ກ່ຽວກັບ ການປະເມີນສະພາບແວດລ້ອມການດຳເນີນທຸລະກິດ ແລະ ລົງທຶນ Business Ready (B-READY) ຂອງທະນາຄານໂລກ, ໂດຍການເປັນປະທານກອງປະຊຸມຂອງ ທ່ານ ປອ. ສະຖາບັນດິດ ອິນສີຊຽງໃໝ່, ຮອງລັດຖະມົນຕີກະຊວງແຜນການ ແລະ ການລົງທຶນ
ຈຸດປະສົ່ງຂອງກອງປະຊຸມດັ່ງກ່າວແມ່ນເປັນການເຜີຍແຜ່ຂໍ້ມູນກ່ຽວກັບຫຼັກການ ແລະ ວິທີການປະເມີນ ສະພາບແວດລ້ອມການດຳເນີນທຸລະກິດ ແລະ ລົງທຶນ Business Ready (B-READY) ເຊິ່ງເປັນການປ່ຽນແທນຈາກ ການຈັດອັນດັບຄວາມສະດວກໃນການດຳເນີນທຸລະກິດ (Doing Business) ການປະເມີນດັ່ງກ່າວຈະເລີ່ມເກັບກຳຂໍ້ມູນໃນ ສປປ ລາວ ໃນ ປີ 2024.