ກອງປະຊຸມ ການຂົນສົ່ງສິນຄ້າທາງລົດໄຟ ຈີນ-ລາວ-ໄທ ໄດ້ຈັດຂື້ນໃນວັນທີ 30 ພະຈີກ 2022, ເວລາ 9:00 – 11:30 ໂມງ ທີ່ ຫ້ອງປະຊຸມ ສະພາການຄ້າ ແລະ ອຸດສາຫະກໍາ ແຫ່ງຊາດລາວ. ທ່ານ ອຸເດດ ສຸວັນນະວົງ, ປະທານສະພາການຄ້າ ແລະ ອຸດສາຫະກຳ ແຫ່ງຊາດລາວ ໄດ້ໃຫ້ກຽດເປັນປະທານຮ່ວມກັບ ທ່ານ Liu JINXIN, ຫົວໜ້າຄະນະສະຖາບັນຄົ້ນຄົ້ວາການຂົນສົ່ງສາກົນ ອາຊີຕາເວັນອອກ ປະຈຳ ຄຸນໝິງ, ສປ ຈີນ.

ຈຸດປະສົງຂອງການຈັດກອງປະຊຸມໃນຄັ້ງນີ້ແມ່ນເພື່ອເປັນການປຶກສາຫາຫລືຮ່ວມກັນ, ເພື່ອການພັດທະນາທາງດ້ານການຂົນສົ່ງສີນຄ້າຕາມເສັ້ນທາງລົດໄຟ ຈີນ-ລາວ-ໄທ, ການພັດທະນາເຂດກໍ່ສ້າງອຸດສາກໍາຕາມເສັ້ນທາງລົດໄຟ ໃຫ້ເກີດມີໂຄງການທີ່ສາມາດລົງທືນຕາມແລວທາງລົດໄຟ ແລະ ດືງດູດເອົານັກລົງທືນຕ່າງປະເທດເຂົ້າມາພັດທະນາເສດຖະກິດ-ການຄ້າ ໃຫ້ມີການຂະຫຍາຍຕົວເພີ່ມຂື້ນ.
ເຊີ່ງກອງປະຊຸມດັ່ງກ່າວຍັງມີພິທີເຊັນບົດບັນທຶກຄວາມເຂົ້າໃຈ (MOU) ການຂົນສົ່ງຫຼາຍຮູບແບບຕາມເສັ້ນທາງລົດໄຟຈີນ-ລາວ-ໄທ ແລະ ການພັດທະນາອຸດສາຫະກຳຕາມແລວທາງລົດໄຟຮ່ວມກັນ, ລະຫວ່າງ ຄະນະສະຖາບັນຄົ້ນຄ້ວາການຂົນສົ່ງສາກົນ ອາຊີຕາເວັນອອກ ປະຈຳ ຄຸນໝິງ, ສປ ຈີນ (SSILR) ແລະ ສະພາການຄ້າ ແລະ ອຸດສາຫກຳແຫ່ງຊາດລາວ (LNCCI) ແລະ ສະຫະພັນຜູ້ໃຫ້ບໍລິການທາງດ້ານໂລຈິຣຕິກໄທ (TLSP).
ເພື່ອໃຫ້ມີບົດບາດໃນການສະໜັບສະໜູນທາງປັນຍາໃນການຊຸກຍູ້ສົ່ງເສີມເຊື່ອມໂຍງການຮ່ວມມືຫຼາຍຮູບແບບໃນພາກພື້ນ.ເພື່ອການພັດທະນາການຂົນສົ່ງແບບຍືນຍົງໃນອາຊີ ແລະ ປາຊີຟິກ ແລະ ການປະກອບສ່ວນທີ່ສຳຄັນອັນເປັນບາດກ້າວໃນການວາງນະໂຍບາຍຂອງລັດຖະບານ ເພື່ອໃຫ້ຄໍາແນະນໍາທີ່ເປັນມືອາຊີບ ແລະ ເປັນເອກະລາດຕາມແລວທາງລົດໄຟຈີນ-ລາວ-ໄທ.