ຂະແໜງການຄ້າລາວ ລ້ວນແຕ່ມີຄວາມຄາດຫວັງສູງຕໍ່ການເປີດນໍາໃຊ້ຂອງທາງລົດໄຟລາວ-ຈີນ.

ທ່ານ ດາວວອນ ພະຈັນທະວົງ ຮອງປະທານສະພາການຄ້າ ແລະ ອຸດສາຫະກຳ ແຫ່ງຊາດລາວ

ກ່າວວ່າ: ຂະແໜງການຄ້າລາວລ້ວນແຕ່ມີຄວາມຄາດຫວັງສູງຕໍ່ການເປີດນໍາໃຊ້ຂອງທາງລົດໄຟລາວ-ຈີນ. ກ່ອນອື່ນໝົດສອງປະເທດ ລາວ-ຈີນ ມີການພົວພັນຮ່ວມມືດ້ານ ເສດຖະກິດ-ການຄ້າ ຢ່າງແໜ້ນແຟ້ນ, ເຊິ່ງຈີນເປັນຄູ່ຄ້າອັນດັບສອງ ແລະ ເປັນປະເທດທີ່ລົງທຶນຫຼາຍກວ່າໝູ່ຢູ່ໃນປະເທດລາວ ທັງເປັນເປົ້າໝາຍການຄ້າສົ່ງອອກຫຼັກໆຂອງລາວ.

ຈາກການເປີດນໍາໃຊ້ທາງລົດໄຟຈະເຮັດໃຫ້ຕົ້ນທຶນໃນການຂົນສົ່ງສິນຄ້າ ແລະ ຄົມມະນາຄົມຕໍ່າລົງ, ຈະເຮັດໃຫ້ມີລູກຄ້າ ແລະ ຜູ້ຊົມໃຊ້ທາງນີ້ຫຼາຍຂຶ້ນ, ອັນນີ້ຈະສ້າງລາຍໄດ້ທີ່ໜ້າເພິ່ງພໍໃຈກໍຄືການເພີ່ມພະລັງແຮງຊຸກຍູ້ໃຫ້ກັບຂະແໜງການຄ້າ, ການບໍລິການເປັນຕົ້ນແມ່ນໂຮງແຮມ, ອາຫານ, ແລະ ຂະແໜງການຈະເລີນໃໝ່ຫຼາຍຂະແໜງການ, ອັນນີ້ເປັນໂອກາດພັດທະນາທີ່ມະຫາສານ.

ແນວໃດກໍຕາມ, ພວກເຮົາພ້ອມແລ້ວທີ່ຈະນໍາໃຊ້ທາງລົດໄຟສາຍນີ້ເພື່ອຫັນໂອກາດເປັນໝາກຜົນການຮ່ວມມືທີ່ແທ້ຈິງທີ່ເປັນຮູບປະທໍາ, ຫວັງວ່າຈະໄດ້ມີການຮ່ວມມືແບບຕ່າງຝ່າຍຕ່າງໄດ້ຮັບຜົນປະໂຫຍດໂດຍຜ່ານທາງລົດໄຟສາຍນີ້.

ຂອບໃຈແຫຼງທີ່ມາຂໍ້ມູນ https://www.facebook.com/crifm93/posts/3243439389218137