ໃນວັນທີ 08 ກໍລະກົດ 2020, ທ່ານ ພູໄຊ ເທບພະວົງ, ເລຂາທິການ ສະພາການຄ້າ ແລະ ອຸດສາຫະກຳແຫ່ງຊາລາວ ພ້ອມດ້ວຍ ໜ່ວຍງານພົວພັນສະມາຊິກ, ປະຊາສຳພັນ ແລະ ຂໍ້ມູນຂ່າວສານ ໄດ້ລົງເຄື່ອນໄຫວຢ້ຽມຢາມ ບໍລິສັດລາວຟອດ ຊີຕີ້ ຈຳກັດ

ໂດຍການຕ້ອນຮັບ ຈາກ ທ່ານ Wayne MCINTOSH, ຜູ້ຈັດການທົ່ວໄປ ພ້ອມດ້ວຍຝ່າຍບໍລິຫານ, ຝ່າຍຂາຍຈາກຫ້ອງຂາຍ ລົດຍີ່ຫໍ້ Ford, Land Rover, Jaquar, ແລະ ສູນບໍລິການລົດຍົນ Quick Land. ຜະລິດຕະພັນ ແລະ ການບໍລິການດັ່ງກ່າວ ແມ່ນເປັນທີ່ຮູ້ຈັກດີ ໃນນາມ ກຸ່ມບໍລິສັດ ອາເອັມເອ (RMA Goup),

ເຊິ່ງໃນໄລຍະຜ່ານມາທີ່ເຄື່ອນໄຫວດຳເນີນທຸລະກິດຢູ່ ສປປລາວ ແມ່ນໄດ້ຈັດຝຶກອົບຮົມໃຫ້ພະນັກງານຄົນລາວພາຍໃນບໍລິສັດ, ປະກອບສ່ວນໃນວຽກງານ ອາຊີວະສຶກສາ, ໂດຍການຮັບນັກສຶກສາມາຮຽນຮູ້ພາກປະຕິບັດຕົວຈິງຢູ່ບໍລິສັດ ແລະ ມອບລົດໃຫ້ສະຖາບັນການສຶກສານຳໃຊ້ເຂົ້າໃນການສິດສອນ. ນອກຈາກນີ້, ຍັງໄດ້ໃຫ້ການສະໜັບສະໜູນທຶນການສຶກສາ ແລະ ສ້າງກິດຈະກຳຮັກສາສິ່ງແວດລ້ອມໃນງານບຸນປະເພນີຕ່າງໆ.