ໃນຕອນບ່າຍຂອງວັນທີ 7 ເມສາ 2021 ທີ່ຫ້ອງປະຊຸມໃຫຍ່ ສະພາການຄ້າ ແລະ ອຸດສາຫະກຳແຫ່ງຊາດລາວ,  ໄດ້ມີພິທີເປີດໂຄງການ ແລະ ເຊັນບົດບັນທຶກຊ່ວຍຈຳ ຂອງອົງການແຮງງານສາກົນພາຍໃຕ້ການເປັນປະທານໂດຍທ່ານ ສົມຈິດ ອິນທະມິດ, ຮອງລັດຖະມົນຕີ ກະຊວງອຸດສາຫະກຳ ແລະ ການຄ້າ, ທ່ານ ດາວວອນ ພະຈັນທະວົງ, ຮອງປະທານ ສະພາການຄ້າ ແລະ ອຸດສາຫະກຳແຫ່ງຊາດລາວ, ທ່ານ ຈອນ-ຝຣັງຊົວ ຄູໂນດ, ຜູ້ອຳນວຍການ ອົງການສະວິສ ເພື່ອການພັດທະນາ ແລະ ທ່ານ ນາງ ໂຈນີ ຊິມສັນ, ວ່າການຜູ້ອຳນວຍການ ຫ້ອງການ ອົງການແຮງງານສາກົນ ແລະ ແຂກທີ່ຖືກເຊີນຈາກທາງພາກລັດ, ອົງການຈັດຕັ້ງສາກົນ ແລະ ນັກທຸລະກິດຈາກຫຼາຍພາກສ່ວນເຂົ້າຮ່ວມ.

ຈຸດປະສົງເພື່ອສະສະໜັບສະໜູນຄວາມອາດສາມາດໃຫ້ກັບທຸລະກິດຈຸນລະວິສາຫະກິດ, ວິສາຫະກິດຂະໜາດນ້ອຍ ແລະ ກາງຂອງ ສປປລາວ ໃຫ້ສາມາດຮັບມືກັບຊ່ວງວິກິດການຈາກການແພ່ລະບາດຂອງພະຍາດໂຄວິດ-19 ແລະ ສະໜັບສະໜູນຟື້ນຟູທຸກຂີດຄວາມາດໃຫ້ແກ່ຜູ້ປະກອບການໃຫ້ສາມາດເຂົ້າຫາແຫຼ່ງເງິນທຶນ ແລະ ບໍລິການທາງດ້ານການເງິນອື່ນໆ.