ກອງປະຊຸມ ສົ່ງເສີມການຄ້າສອງຝ່າຍ ລາວ-ຫວຽດ ປະຈຳປີ 2022, ໃນວັນທີ 25 ພະຈິກ 2022,ທີ່ ໂຮງແຮມເມືອງແທ່ງ ກົມສົ່ງເສີມການຄ້າ, ກະຊວງອຸດສາຫະກຳ ແລະ ການຄ້າ ສປປ ລາວ ແລະ ກົມການຕະຫຼາດອາຊີ ອາຟຣິກາ, ກະຊວງການຄ້າ ສສ. ຫວຽດນາມ ໄດ້ຮ່ວມກັນຈັດກອງປະຊຸມ ເວທີສົ່ງເສີມການຄ້າສອງຝ່າຍ ລາວ-ຫວຽດນາມ ປະຈຳປີ 2022 ຂື້ນ ທີ່ ໂຮງແຮມເມືອງແທ່ງ

ທ່ານ ບຸນເລີດ ຫຼວງປະເສີດ, ຮອງປະທານ ສະພາການຄ້າ ແລະ ອຸດສາຫະກຳ ແຫ່ງຊາດລາວ (ສຄອຊ) ໄດ້ເຂົ້າຮ່ວມກອງປະຊຸມ ສົ່ງເສີມການຄ້າສອງຝ່າຍ ລາວ-ຫວຽດ ປະຈຳປີ 2022 ໂດຍການເປັນປະທານຂອງ ທ່ານ ສົມວິໄຊ ວົງທິລາດ, ຮອງຫົວໜ້າກົມສົ່ງເສີມການຄ້າ, ກະຊວງອຸດສາຫະກຳ ແລະ ການຄ້າ ສປປ ລາວ, ທ່ານ ໂດ້ ກວັກ ຮຶງ, ຮອງຫົວໜ້າກົມການຕະຫຼາດອາຊີ ອາຟຣິກາ, ກະຊວງການຄ້າ ສສ. ຫວຽດນາມ ແລະ ທ່ານ ໂຮ່ ດຶກ ຢຸງ ທູດການຄ້າ ຫວຽດນາມ ປະຈຳ ສປປ ລາວ
ເຊິ່ງໃນນາມ ສະພາການການຄ້າ ແລະ ອຸດສາຫະກຳ ແຫ່ງຊາດລາວ ໄດ້ລະດົມຂົນຂວາຍນັກທຸລະກິດເຂົ້າຮ່ວມກອງປະຊຸມໃນຄັ້ງນີ້ໃນຂະແໜງການຕ່າງໆເຊັ່ນ: ການຄ້າ, ຂົນສົ່ງ, ກະສິກຳ ແລະ ການບໍລິການ, ເຊິ່ງນຳພາໂດຍ ທ່ານ ທ່ານ ບຸນເລີດ ຫຼວງປະເສີດ, ຮອງປະທານ ສະພາການຄ້າ ແລະ ອຸດສາຫະກຳ ແຫ່ງຊາດລາວ
ຈຸດປະສົງຂອງກອງປະຊຸມໃນຄັ້ງນີ້ແມ່ນເພື່ອເປັນການສະເຫຼີມສະຫຼອງ 2 ປີສາມັກຄີມິດຕະພາບ ລາວ-ຫວຽດນາມ, ຫວຽດນາມ-ລາວທເຊິ່ງເປັນຂີດໝາຍປະຫວັດສາດຂອງການສ້າງຕັ້ງສາຍພົວພັນການທູດ ລາວ-ຫວຽດນາມ ຄົບຮອບ 60 ປີ ແລະ ການເຊັນສົນທິສັນຍາມິດຕະພາບ ລາວ-ຫວຽດນາມ ຄົບຮອບ 45 ປີ.