ໃນຕອນບ່າຍຂອງວັນທີ 17 ກັນຍາ 2019 ທີ່ ຫ້ອງປະຊຸມ ສຄອ ແຫ່ງຊາດລາວ, ຄະນະຜູ້ແທນສະພາແຫ່ງຊາດ ແລະ ຄະນະຜູ້ແທນສະພາປະຊາຊົນ ນະຄອນຫຼວງວຽງຈັນ

ໄດ້ມາຢ້ຽມຢາມ ສຄອຊ ໂດຍການເປັນປະທານ ຂອງ ທ່ານ ປອ ນາງ ພອນເພັດ ບຸບຜາ ຮອງປະທານກຳມະທິການ ວັດທະນະທຳສັງຄົມ ສະພາແຫ່ງຊາດ ໃນການມາຢ້ຽມຢາມໃນຄັ້ງນີ້ແມ່ນເພື່ອປຶກສາຫາລື ໃນການກະກຽມຕ້ອນຮັບ ແລະ ກະກຽມຂໍ້ມູນ ເພື່ອລາຍງານຕໍ່ກຳມະທິການວັດທະນະທຳ-ສັງຄົມ ສະພາແຫ່ງຊາດ

ແລະ ກໍ່ໄດ້ມີຄຳຖາມເຈາະຈີ້ມກໍຄື: ສະພາການຄ້າ ແລະ ອຸດສາຫະກຳ ແຫ່ງຊາດລາວ ໄດ້ມີການປະສານສົມທົບກັບບັນດາຫົວໜ່ວຍທຸລະກິດ ແລະ ພາກສ່ວນທີ່ກ້ຽວຂ້ອງ ໃນການສ້າງແຜນຄວາມຕ້ອງການກຳລັງແຮງງານ ໂດຍສະເພາະ ກະຊວງແຮງງານ ແລະ ສະຫວັດດີການສັງຄົມ, ກະຊວງສຶກສາ ແລະ ກິລາ ໃນການຈ້າງງານ ແລະ ການສ້າງວຽກເຮັດງານທຳໃຫ້ແກ່ປະຊາຊົນຄືແນວໃດ?; ຂໍ້ສະດວກ-ຂໍ້ຫຍຸ້ງຍາກ ໃນການດຳເນີນທຸລະກິດ ຂະຫນາດນ້ອຍ ແລະ ກາງ (SME) ຄືແນວໃດ? ສະພາການຄ້າ ແລະ ອຸດສາຫະກຳ ແຫ່ງຊາດລາວ ໄດ້ສົ່ງເສີມ ທຸລະກິດຂະຫນາດນ້ອຍ ແລະ ກາງ (SME) ຄືແນວໃດ?

ໃນທີ່ປະຊຸມໂດຍມີການເຂົ້າຮ່ວມຂອງ ຄະນະຜູ້ແທນສະພາແຫ່ງຊາດ ແລະ ຄະນະຜູ້ແທນສະພາປະຊາຊົນ ນະຄອນຫຼວງວຽງຈັນ ແລະ ຄະນະບໍລິຫານງານ ຂອງ ສະພາການຄ້າ ແລະ ອຸດສາຫະກຳ ແຫ່ງຊາດລາວ.