ໃນຕອນເຊົ້າ ຂອງວັນທີ 3 ທັນວາ 2021 ເວລາ 09:00 – 12:00 ໂມງ ສະພາການຄ້າ ແລະ ອຸດສາຫະກຳ ແຫ່ງຊາດລາວ ໄດ້ຈັດສໍາມະນາ

ເຜີຍແຜ່ກ່ຽວກັບທັກສະການບໍລິການລູກຄ້າ ແລະ ການສື່ສານທີ່ດີ ໃຫ້ກັບພະນັກງານສະພາການຄ້າ ແລະ ສະພາການຄ້າແຂວງ ໂດຍຮູບການອອນລາຍ (ໂປແກຣມ Zoom) ພາຍໃຕ້ໂຄງການສົ່ງເສີມຜະລິດຕະພັນຍີ່ຫໍ້ລາວ-ເພື່ອຊິວິດການເປັນຢູ່ທີ່ດີຂຶ້ນ ເຊິ່ງໄດ້ຮັບການສະໜັບສະໜູນຈາກອົງການສະຫະປະຊາຊາດເພື່ອການພັດທະນາ (UNDP).
ງານສຳມະນາເຜີຍແຜ່ກ່ຽວກັບທັກສະການບໍລິການລູກຄ້າ ແລະ ການສື່ສານທີ່ດີ ມີຈຸດປະສົງຫຼັກໃນການສ້າງຄວາມພ້ອມໃຫ້ກັບພະນັກງານສະພາການຄ້າ ແລະ ອຸດສາຫະກຳ ແຫ່ງຊາດລາວ ແລະ ສະພາການຄ້າແຂວງ ໃນການສື່ສານ ແລະ ໃຫ້ຂໍ້ມູນກໍ່ຄືການບໍລິການລູກຄ້າໃຫ້ມີຄວາມເພິ່ງພໍໃຈ ໂດຍສະເພາະແມ່ນການສ້າງຄວາມເຊື່ອໝັ້ນໃຫ້ແກ່ຜູ້ປະກອບການທີ່ເປັນທັງສະມາຊິກ ແລະ ບໍ່ເປັນສະມາຊີກຂອງສະພາການຄ້າ. ພ້ອມດຽວກັນນີ້, ງານສໍາມະນາແມ່ນຍັງເຜີຍແຜ່ຄວາມຮູ້ ແລະ ຄວາມເຂົ້າໃຈທີ່ແທດເໝາະກັບສະພາບຄວາມເປັນຈິງ ແລະ ຍັງສາມາດເອົາໄປນໍາໃຊ້ໃນວຽກງານຕົວຈິງພາຍຫຼັງທີ່ສຳເລັດການສຳມະນາໃຫ້ດີຂຶ້ນເທື່ອລະກ້າວ.