ກອງປະຊຸມຄົບຄະນະ ASEAN-BAC, ກອງປະຊຸມສຸດຍອດທຸລະກິດ ແລະ ການລົງທຶນ ອາຊຽນ The ASEAN Business and Investment Summit 2022 (ABIS) ແລະ ງານລ້ຽງມອບລາງວັນທຸລະກິດອາຊຽນດີເດັ່ນ (ASEAN Business Awards 2022) ທີ່ ພະນົມເປນ, ປະເທດກຳປູເຈຍ, ໃນວັນທີ 9-10 ພະຈິກ 2022 ທີ່ຜ່ານມາ

ທ່ານ ປະທານ ອຸເດດ ສຸວັນນະວົງ, ປະທານ ສະພາການຄ້າ ແລະ ອຸດສາຫະກຳ ແຫ່ງຊາດລາວ, ທ່ານ ທະນົງສິນ ກັນຍາລະຍາ, ຮອງປະທານ ສຄອຊ ແລະ ທ່ານ ນາງ ຈັນທະຈອນ ວົງໄຊ, ຮອງປະທານ ສຄອຊ, ໃນນາມ ສະພາທີ່ປຶກສາທຸລະກິດອາຊຽນ ປະຈຳ ສປປ ລາວ, (ASEAN Business Advisory Council) ໄດ້ເຂົ້າຮ່ວມກອງປະຊຸມຄົບຄະນະ ASEAN-BAC, ກອງປະຊຸມສຸດຍອດທຸລະກິດ ແລະ ການລົງທຶນ ອາຊຽນ The ASEAN Business and Investment Summit 2022 (ABIS) ແລະ ງານລ້ຽງມອບລາງວັນທຸລະກິດອາຊຽນດີເດັ່ນ (ASEAN Business Awards 2022)

ຈຸດປະສົງຂອງງານດັ່ງກ່າວແມ່ນເພື່ອຮວບຮວມບັນດາຜູ້ນຳດ້ານທຸລະກີດຂັ້ນສູງ ໃນຂົງເຂດອາຊຽນເພື່ອເຈລະຈາ ແລະ ແກ້ບັນຫາທາງດ້ານທຸລະກິດຮ່ວມກັນ ພາຍຫຼັງການຟື້ນຕົວຂອງການລະບາດຂອງພະຍາດໂຄວິດ-19. ພ້ອມກັນນັ້ນ, ຍັງເປັນການມອບລາງວັນທຸລະກິດອາຊຽນດີເດັ່ນ ເພື່ອຍ້ອງຍໍຊົມເຊີຍບັນດາວິສາຫະກິດໃນບັນດາຂົງເຂດປະເທດອາຊຽນອີກດ້ວຍ ໂດຍປະກອບມີຂະແໜງການພົ້ນເດັ່ນຄື: Priority Sector Awards, SME Excellences Awards, Skill Development Awards, ແລະ Cambodia’s and Special Awards ເຊິ່ງໃນນັ້້ນ ທະນາຄານການຄ້າຕ່າງປະເທດລາວ ມະຫາຊົນ ສາມາດຍາດໄດ້ລາງວັນ Cambodia’s and Special Awards ຂະແໜງການຜະລິດຕະພັນ ການບໍລິການນະວັດຕະກໍາທີີ່ເຮັດວຽກເພື່ອສົ່ງເສີມທາງດ້ານການເງິນ, ການໂອນເງິນຂ້າມປະເທດ ແລະ ສົ່ງເສີມການນໍາໃຊ້ສະກຸນເງິນທ້ອງຖິ່ນ.