ສະພາການຄ້າ ແລະ ອຸດສາຫະກໍາ ແຫ່ງຊາດລາວ ຮ່ວມກັັບ ສະມາຄົມສົ່ງເສີມດ້ານວິຊາການຕ່າງປະເທດຈັດຝຶກອົບຮົມຫົວຂໍ້: “ການບໍລິຫານຈັດການ”

ໃນຕອນເຊົ້າວັນທີ່ 13 ກໍລະກົດ 2022 ທີ່ ໂຮງແຮມຄຣາວພາຊາ, ໄດ້ມີພິທີເປີດສໍາມະນາໃນຫົວຂໍ້: “ການບໍລິຫານຈັດການ” ໂດຍເນັ້ນທັກສະຜູ້ນຳຍຸກໃໝ່

ແນ່ໃສ່ໃຫ້ການບໍລິຫານທຸລະກິດໃນ ສປປ ລາວ ກໍ່ຄືຂະແໜ່ງທຸລະກິດຕ່າງໆ ໃຫ້ເປັນຜູ້ບໍລິຫານມືອາຊິບ ໃນການເພີ້ມປະສິດທິພາບໃນການເຮັດວຽກ ໃນການບໍລິຫານຈັດການ ອົງກອນ ແລະ ທັງເປັນການແລກປ່ຽນປະສົບການຂອງບໍລິສັດເອງໃນການບໍລິຫານຈັດການ.

ການສໍາມະນາໃນຄັ້ງນີ້ໃຫ້ກຽດ ກ່າວເປີດພິທີໂດຍ ທ່ານ ປອ. ໄຊບັນດິດ ຣາຊພົນ ຮອງປະທານ ສະພາການຄ້າ ແລະ ອຸດສາຫະກໍາ ແຫ່ງຊາດລາວ ແລະ ມີຄວາມເຫັນໃນພິທີເປີດໂດຍ ທ່ານ ທາເທຊີ ໂຈຈິ ຜູ້ບໍລິຫານອາວຸໂສລະດັບສູງ ຂອງສະມາຄົມເພື່ອການສົ່ງເສີມດ້ານວິຊາການຕ່າງປະເທດ(AOTS).

ມີການບັນລະຍາຍບົດຮຽນ ໂດຍ ອາຈານ ຢາເອກະຊິ, ວິທະຍາກອນຈາກ ສຄອຊ ແລະ ການແລກປ່ຽນບົດຮຽນການຈັດຕັ້ງປະຕິບັດຕົວຈິງຂອງບັນດາບໍລິສັດ ເພື່ອນໍາມາປັບໃຊ້ໃຫ້ແທດເໝາະໃນສະພາບການຕົວຈິງໃນການບໍລິຫານທຸລະກິດໃຫ້ເກີດຜົນປະໂຫຍດສູງສຸດ.

ການຝຶກອົບຮົມໃນຄັ້ງນີ້ໄດ້ດໍາເນີນເປັນເວລາ 03 ມື້, ມີຜູ້ເຂົ້າຮ່ວມ 60 ທ່ານ ທີ່ມາຈາກຫຼາຍຂະແໜ່ງທຸລະກິດທີເປັນສະມາຊິກ ແລະ ບໍ່ແມ່ນສະມາຊິກ ຂອງ ສະພາການຄ້າ ແລະ ອຸດສາຫະກໍາ ແຫ່ງຊາດລາວ.