ຝຶກອົບຮົມຫົວຂໍ້ ການສ້າງຄວາມສາມາດ ສໍາລັບຄູຝຶກໃນການຮຽນ – ການສອນອາຊີວະສຶກສາແບບຄວບຄູ່ – ຄູຝຶກຟາມ – LNCCI – Lao National Chamber of Commerce and Industry

ຝຶກອົບຮົມຫົວຂໍ້ ການສ້າງຄວາມສາມາດ ສໍາລັບຄູຝຶກໃນການຮຽນ – ການສອນອາຊີວະສຶກສາແບບຄວບຄູ່ – ຄູຝຶກຟາມ

ສະພາການຄ້າ ແລະ ອຸດສາຫະກໍາ ແຫ່ງຊາດລາວ ຮ່ວມກັບວິທະຍາໄລ ເຕັກນິກກະສິກໍາດົງຄໍາຊ້າງ (ວຕ-ກດ) ຈັດຝຶກອົບຮົມຫົວຂໍ້: ການສ້າງຄວາມສາມາດ ສໍາລັບຄູຝຶກໃນການຮຽນ – ການສອນອາຊີວະສຶກສາແບບຄວບຄູ່ – ຄູຝຶກຟາມ ເພື່ອຝຶກນັກສຶກສາ

ພາຍໃຕ້ເງື່ອນໄຂການຮຽນ-ການສອນອາຊີວະສຶກສາຮູບແບບຄວບຄູ່ (DCT/ອສຄ) ທັງນັກສຶກສາຊັ້ນກາງ/ລະດັບ 4 ແລະ ຊັ້ນສູງ /ລະດັບ 5. ການຝຶກອົບຮົມຈັດຂຶ້ນ ທີ່ ວິທະຍາໄລເຕັກນິກກະສິກໍາດົງຄໍາຊ້າງ (ວຕ-ກດ)

ຈຸດປະສົງ ການຝຶກອົບຮົມ: ການສ້າງຂີດຄວາມສາມາດ ສໍາລັບຄູຝຶກໃນການຮຽນ – ການສອນອາຊີວະສຶກສາແບບຄວບຄູ່ – ຄູຝຶກຟາມ ແມ່ນເພື່ອສ້າງຄວາມສາມາດ ໃຫ້ຄູຝຶກຟາມ ໃນການວາງແຜນ ແລະ ຈັດຕັ້ງການຝຶກນັກສຶກສາຢູ່ຟາມ ຕາມເຄື່ອງມື ແລະ ອຸປະກອນທີ່ຈໍາເປັນຕໍ່ການຝຶກນັກສຶກສາ ເປັນຕົ້ນແມ່ນແຜນຝຶກ, ແຜນໜູນວຽນນັກສຶກສາ, ປື້ມຕິດຕາມການຝຶກ, ຮ່າງບົດສຶກສາໂຄງການ (ສະເພາະນັກສຶກສາລະດັບ 5) ລວມທັງການປ້ອງກັນອຸປະຕິເຫດໃນການປະຕິບັດງານ ແລະ ຈຸດພິເສດໃນການຮຽນຮູ້ຂອງນັກສຶກສາ ເພື່ອຈະໃຫ້ນັກສຶກສາກາຍເປັນກໍາມະກອນຢ່າງມີທັກສະ (ພາຍຫຼັງຮຽນຈົບ ລະດັບ 4) ຫລື ເປັນຫົວໜ້າຄົນງານ/ຜູ້ຈັດການສາຍງານການຜະລິດ (ພາຍຫຼັງຮຽນຈົບ ລະດັບ 5) ໄດ້ຢ່າງມີປະສິດທິພາບ.