ໃນວັນທີ 10 ພະຈິກ 2022, ເວລາ 08:30 – 12:00 ໂມງ ທີ່ ຫ້ອງປະຊຸມ ສະພາການຄ້າ ແລະ ອຸດສາຫະກໍາແຫ່ງຊາດລາວ.ສູນບໍລິການອາຊີວະສຶກສາແບບຄວບຄູ່ (Dual-Cooperative Training Service Center),

ໄດ້ຈັດກອງປະຊຸມສົນທະນາ ແລກປ່ຽນການນໍາໃຊ້ ຄູ່ມືຈັດຕັ້ງປະຕິບັດຮູບແບບການຈັດການຮຽນ-ການສອນ ອາຊີວະສຶກສາແບບຄວບຄູ່ ແລະ ການສ້າງ-ພັດທະນາແຮງງານ, ໂດຍການເປັນປະທານຮ່ວມຂອງ ທ່ານ ໂພໄຊ ບູລົມ, ຮອງຫົວໜ້າກົມອາຊີວະສຶກສາ, ກະຊວງສຶກສາທິການ ແລະ ກິລາ ແລະ ທ່ານ ມານິດໂຕ ພົມໂພທິ ຮອງເລຂາທິການ ສຄອຊ

• ຈຸດປະສົງກອງປະຊຸມ:

– ເພື່ອເຜີຍແຜ່ ກອບແນວຄວາມຄິດວຽກງານອາຊີວະສຶກສາແບບຄວບຄູ່.

– ເພື່ອສ້າງຄວາມເຂົ້າໃຈ ແລະ ສາມາດສະໜອງຂໍ້ມູນໃນການຊຸກຍູ້ບັນດາສະຖານປະກອບການເຂົ້າມາມີສ່ວນຮ່ວມຈັດຕັ້ງປະຕິບັດວຽກງານ ອສຄ.

– ເພື່ອຮຽນຮູ້ເຕັກນິກ, ຄູ່ມື ແລະ ມາດຕະຖານການຈັດຕັ້ງປະຕິບັດ ສໍາລັບການມີສ່ວນຮ່ວມໃນອາຊີວະສຶກສາແບບຄວບຄູ່ ຂອງສະພາການຄ້າ ແລະ ອຸດສາຫະກໍາແຂວງ, ສະມາຄົມທຸລະກິດ/ວິຊາຊີບ ແລະ ສະຖານປະກອບການ.

– ເພື່ອຖອດຖອນບົດຮຽນ ແລະ ຮູ້ເຖິງສະພາບການຈັດຕັ້ງປະຕິບັດ ອສຄ/ຝຶກປະຕິບັດຢູ່ສະຖານປະກອບການ ໃນປະຈຸບັນ.