ໃນຕອນເຊົ້າ ວັນພະຫັດ ທີ 23 ມິຖຸນາ 2022 ທີ່ ສະພາການຄ້າ ແລະ ອຸດສາຫະກຳ ແຫ່ງຊາດລາວ (ສຄອຊ) ສູນບໍລິການ ອາຊີວະສຶກສາແບບຄວບຄູ່ (ສູນບໍລິການ ອສຄ)/ Dual-Cooperative Training Service Center (DCT SC) ຮ່ວມມື ກັບສະຖາບັນພັດທະນາອາຊີວະສຶກສາ (Vocational Education Development Institute – VEDI)

ໄດ້ຈັດກອງປະຊຸມປຶກສາຫາລື ຕໍ່ການຈັດຝຶກອົບຮົມຄູຝຶກຂອງ ສະຖານປະກອບການ ໂດຍ ມີຜູ້ເຂົ້າຮ່ວມ ຕາງໜ້າຈາກ ກົມອາຊີວະສຶກສາ, ກະຊວງສຶກສາທິການ ແລະ ກິລາ, ຊ່ຽວຊານ ໂຄງການ ພັດທະນາອາຊີວະສຶກສາ ສປປ ລາວ (Vocational Education Lao PDR / VELA – GIZ) ແລະ ທິມງານຄູຝຶກ ຂອງ DCT SC ແລະ VEDI, ໂດຍການເປັນປະທານຮ່ວມ ຂອງທ່ານ ນາງ ດາວວະດິງ ພິລະໄຊພິທັກ, ຮອງເລຂາທິການ ສຄອຊ ແລະ ຮອງສາດສະຈານ ປອ. ບຸນເສັງ ຄຳມຸນຕີ, ຮັກສາການ ອຳນວຍການ ສະຖາບັນພັດທະນາອາຊີວະສຶກສາ

ໂດຍຈຸດປະສົງ ເພື່ອ:

• ທົບທວນຄືນການຈັດຕັ້ງປະຕິບັດ ການຝຶກອົບຮົມຄູຝຶກຂອງສະຖານປະກອບການ (In-Company Trainer Training) ໂດຍ ສູນບໍລິການ ອາຊີວະສຶກສາແບບຄວບຄູ່ (ສູນບໍລິການ ອສຄ)/ Dual-Cooperative Training Service Center (DCT SC), ແລະ ສະຖາບັນພັດທະນາອາຊີວະສຶກສາ (Vocational Education Development Institute – VEDI)
• ປຶກສາຫາລື ແລະ ເອກະພາບຮ່ວມກັນ ດ້ານເນື້ອໃນ, ການປັບປຸງອຸປະກອນສື່ການຮຽນ-ການສອນ, ການວັດ ແລະ ປະເມີນ, ການອອກໃບຢັ້ງຢືນ ແລະ ອື່ນໆກ່ຽວຂ້ອງກັບການຈັດຝຶກອົບຮົມ
• ປຶກສາຫາລື ແລກປ່ຽນຄຳຄິດເຫັນກ່ຽວກັບແນວທາງການເຮັດວຽກຮ່ວມກັນ ຂອງສູນບໍລິການ ອສຄ, ສະຖາບັນພັດທະນາອາຊີວະສຶກສາ ແລະ ຄູ່ຮ່ວມພັດທະນາທີ່ກ່ຽວຂ້ອງ.