ໃນຕອນເຊົ້າ ເວລາ 10:00-12:00 ໂມງ ຂອງວັນທີ 17 ກໍລະກົດ  2020 ນີ້, ທ່ານ ທະນົງສິນ ກັນລະຍາ,ຮອງປະທານ ສຄອຊ ພ້ອມດ້ວຍນັກທຸລະກິດ

ໄດ້ເຂົ້າຮ່ວມກອງປະຊຸມທາງໄກ “ the 13^th Mekong-Japan Industry and Government Dialogue and the 1^st Meeting 2020 AMEICC Working Group Meeting on West-East Corridor Development” ທີ່ ຫ້ອງປະຊຸມ ສຄອຊ.

ຈຸດປະສົງຂອງກອງປະຊຸມຄັ້ງນີ້ ເພື່ອປືກສາຫາຫລືທາງດ້ານການຮ່ວມມືໃນຂອບເຂດອາຊຽນ ແລະ ແລກປຽ່ນການຈັດຕັ້ງປະຕິບັດໃນວຽກງານ ຄື: ເຜີຍແຜ່ໂຄງການໃນການດຳເນີນທຸລະກິດ ພາຍໃນ ແລະ ຕ່າງປະເທດ, ຄວາມຮັບຮູ້ກຽ່ວກັບການແຜ່ລະບາດຂອງພະຍາດໂຄວິດ-19, ໂຄງການພັດທະນາສີ່ງແວດລ້ອມຂອງແຕ່ລະປະເທດ, ການເຄື່ອນໄຫວ ແລະ ຫນ້າທີ່ວຽກງານຕ່າງໆໃນຂອບອາຊຽນໃຫ້ມີປະສິດທິຜົນຫຼາຍຂື້ນກວ່າເກົ່າ. ທີ່ກອງປະຊຸມຍັງໄດ້ປຶກສາຫາລືຊຸກຍູ້ສົ່ງເສີມໃນການພັດທະນາເສດຖະກິດ-ການຄ້າ, ໃຫ້ມີຄວາມຄືບໜ້າຂະຫຍາຍຕົວ, ແນ່ໃສ່ໃນການພັດທະນາເສດຖະກິດໃຫ້ມີການເຊື່ອມໂຍງກັນຫຼາຍຂື້ນ.

ສະພາການຄ້າ ແລະ ອຸດສາຫະກຳ ແຫ່ງຊາດລາວ ກໍ່ໄດ້ສະເໜີໃນທີ່ກອງປະຊຸມໃຫ້ຊຸກຍູ້ໃນການພັດທະນາເສດຖະກິດດິຈິຕອລສົ່ງເສີມການຄ້າເສລີ, ການຍົກລະດັບເຕັກໂນໂລຢີ, ການສົ່ງທຸລະກຳການເງີນກັບຄືນຕ່າງປະເທດໃຫ້ງ່າຍຂື້ນ, ຊ່ວຍນຳເຂົ້າສິນຄ້າແລະ ຜະລິດຕະພັນທີ່ຈຳເປັນລາຄາຖືກກວ່າໃນລາວເພື່ອປັບປຸງຄຸນນະພາບການດຳລົງຊີວິດໃນງ່າຍຂື້ນ.