ພິທີເປີດ ກອງປະຊຸມສົນທະນາ ການຮ່ວມມືສອງຝ່າຍ ລະຫວ່າງ ສະພາການຄ້າ ແລະ ອຸດສາຫະກໍາແຫ່ງຊາດລາວ (ສຄອຊ) ແລະ ສະຖາບັນພັດ ທະນາອາຊີວະສຶກສາ (ສພອ)

ໂດຍການເປັນປະທານຮ່ວມ ລະຫວ່າງ ທ່ານ ພູໄຊ ເທບພະວົງ ເລຂາທິການ ສະພາການຄ້າ ແລະ ອຸດສາຫະກຳແຫ່ງຊາດລາວ ແລະ ທ່ານ ປອ ບຸນເສັງ ຄຳມຸນຕີ ຜູ້ອຳນວຍການສະຖາບັນພັດທະນາອາຊີວະສຶກສາ. ກອງປະຊຸມຈະໄດ້ຈັດຂື້ນ ລະຫວ່າງ ວັນທີ 08-10 ພຶດສະພາ 2024, ທີ່: ຫ້ອງປະຊຸມ ໂຮງແຮມຝຶກປະຕິບັດ, ວິທະຍາເຂດວັງວຽງ, ແຂວງ ວຽງຈັນ. ດ້ວຍການມີສ່ວນຮວ່ມຂອງ ຄູຝືກຂອງສະຖານປະກອບການ ທັງສອງຝ່າຍ

ຈຸດປະສົງ:

* ທົບທວນຄືນ ແລະ ແບ່ງປັນປະສົບການ, ຄວາມກ້າວໜ້າ, ຜົນສໍາເລັດ ແລະ ບົດຮຽນທີ່ໄດ້ຮຽນຮູ້ກ່ຽວກັບການຝຶກອົບຮົມ ຄູຝຶກຂອງສະຖານປະກອບການ.

* ທົບທວນຄືນ ແລະ ປັບປຸງ ບັນທຶກຄວາມເຂົ້າໃຈ (MOU)ໃຫ້ສອດຄ່ອງກັບເປົ້າໝາຍ ແລະ ສະພາບຄວາມເປັນຈິງໃນປັດຈຸບັນ.

* ປຶກສາຫາລື ກ່ຽວກັບການນໍາໃຊ້ ມາດຕະຖານອາຊຽນ ຄູຝຶກຂອງສະຖານປະກອບການ (ASEAN In-CTs Standard) ແລະ ສົນທະນາແລກປ່ຽນ ມາດຕະຖານລະດັບຊາດສໍາລັບ ຄູຝຶກຕົ້ນແບບ (Master trainer) ແລະ ຄູຝຶກຂອງສະຖານປະກອບການ (In Company Trainers).

* ປຶກສາຫາລື ກ່ຽວກັບເນື້ອໃນ ແລະ ຮູບແບບການຈັດຝຶກອົບຮົມ ຄູຝຶກຂອງສະຖານປະກອບ.

* ປຶກສາຫາລື ການພັດທະນາ/ຍົກລະດັບ ຂີດຄວາມສາມາດຂອງ ຄູຝຶກຕົ້ນແບບ (Master Trainers).