ໃນຕອນເຊົ້າວັນທີ່ 13 ພຶດສະພາ 2021, ທີ່ສະພາການຄ້າ ແລະ ອຸດສາຫະກຳແຫ່ງຊາດລາວ ໄດ້ມີກອງປະຊຸມປຶກສາຫາລື ຂອງພາກທຸລະກິດໃນຂະແໜງການທ່ອງທ່ຽວ ກ່ຽວກັບຮ່າງດໍາລັດວ່າດ້ວຍສະພາສົ່ງເສີມການທ່ອງທ່ຽວ ຂອງ ສປປ ລາວ,

ໃຫ້ກຽດເປັນປະທານ ໂດຍ ທ່ານ ອຸເດດ ສຸວັນນະວົງ ປະທານ ສະພາການຄ້າ ແລະ ອຸດສາຫະກຳແຫ່ງຊາດລາວ, ເຊິງມີຜູ້ເຂົ້າຮ່ວມທັງຫມົດຫລາຍກວ່າ 50ທ່ານ ໃນນັ້ນປະກອບມີ ຄະນະກໍາມະທິການທ່ອງທ່ຽວ ສຄອຊ, ຊ່ຽວຊານໂຄງການ ແລະ ຜູ້ປະກອບການຂະແໜງການທ່ອງທ່ຽວ

ຈຸດປະສົງຫລັກຂອງກອງປະຊຸມ ແມ່ນເພື່ອລະດົມແນວຄວາມຄິດ ແລະ ຄວາມເປັນເອກະພາບຂອງພາກທຸລະກິດ ໂດຍສະເພາະຂະແໜງການທີ່ປິ່ນອ້ອມອຸດສາຫະກໍາການທ່ອງທ່ຽວ ຕໍ່ກັບຮ່າງດໍາລັດວ່າດ້ວຍການສ້າງສະພາສົ່ງເສີມການທ່ອງທ່ຽວ ຂອງ ສປປ ລາວ