ສະພາການຄ້າ ແລະ ອຸດສາຫະກຳ ແຫ່ງຊາດລາວ ໃນນາມ ສະມາຊິກສະພາທີ່ປຶກສາທຸລະກິດອາຊຽນ ສປປ ລາວ ຂໍເຊີນບັນດາຫົວໜ່ວຍທຸລະກິດໃນຂອບເຂດທົ່ວປະເທດສະຫມັກເຂົ້າຮ່ວມຊິງລາງວັນການພັດທະນາສີມືແຮງງານ 2021 (Skill Development Awards 2021)

ໃນລະດັບພາກພື້ນອາຊຽນລາຍລະອຽດມີດັ່ງລຸມນີ້:

ພາຍຫລັງໄດ້ຮັບສຽງຕອບຮັບຢ່າງຫລວງຫລາຍ ກ່ຽວກັບການຈັດຕັ້ງມອບ ລາງວັນການພັດທະນາສີມືແຮງງານດີເດັ່ນ ໃນປີ 2019, ດັ່ງນັ້ນ ສະພາທີ່ປຶກສາທຸລະກິດອາຊຽນໄດ້ນຳເອົາລາງວັນປະເພດດັ່ງກ່າວເຂົ້າມາເປັນໜຶ່ງໃນປະເພດລາງວັນຂອງ ລາງວັນທຸລະກິດອາຊຽນດີເດັ່ນ.

ເຊິ່ງໃນປີນີ້, ພາຍໃຕ້ການເປັນເຈົ້າພາບ ຂອງ ສະພາທີ່ປຶກສາທຸລະກິດອາຊຽນ ໂດຍປະເທດ ບູໄນ ໂຄງການພັດທະນາອະຊີວະສຶກສາ ຂອງ ການຮ່ວມມື ລາວ-ເຢຍລະມັນ ໄດ້ສືບຕໍ່ສະໜັບສະໜູນການຈັດມອບລາງວັນການພັດທະນາສີມືແຮງງານໃຫ້ກັບທຸລະກິດ ເພື່ອຍ້ອງຍໍ, ສົ່ງເສີມທຸລະກິດທີ່ໂດດເດັ່ນ ແລະ ທີ່ໄດ້ມີສ່ວນຮ່ວມໃນການພັດທະນາຊັບພະຍາກອນມະນຸດໃນພາກພື້ນອາຊຽນ, ໂດຍສະເພາະທຸລະກິດທີ່ມີສ່ວນຮ່ວມກັບໂຄງການພັດທະນາອະຊີວະສຶກສາ (TVET).

ປະກາດຜົນຜູ້ທີ່ໄດ້ຮັບລາງວັນແມ່ນຈະໄດ້ຈັດຂື້ນໃນວັນທີ 10 ພະຈິກ 2021, ພ້ອມດຽວກັນນັ້ນ ໂຄງການພັດທະນາອະຊີວະສຶກສາ ຈະມີແຜນສືບຕໍ່ໃນການເຜີຍແຜ່ການດຳເນີນກິດຈະກຳດ້ານການພັດທະນາສີມືແຮງງານຂອງຜູ້ທີ່ໄດ້ຮັບລາງວັນ, ເພື່ອເປັນແຮງບັນດານໃຈໃຫ້ກັບທຸລະກິດໃນພາກພື້ນອາຊຽນເຂົ້າມາມີສ່ວນຮ່ວມກັບ ໂຄງການພັດທະນາອະຊີວະສຶກສາ ແລະ ດ້ານການພັດທະນາຊັບພະຍາກອນມະນຸດ.

ເປີດຮັບຟອມສະໝັກນັບແຕ່ມື້ນີ້ຈົນເຖິງວັນທີ 30 ກັນຍາ 2021.

ທ່ານສາມາດສະຫມັກລາງວັນການພັດທະນາສີມືແຮງງານ ໄດ້ໂດຍເຂົ້າເບີ່ງລາຍລະອຽດ ແລະ ດາວໂຫລດແບບຟອມຕາມລິ້ງທີ່ຢູ່ນີ້: https://www.aseanbacbrunei.com.bn/aba/aba-2021-applications. ສຳລັບຂໍ້ມູນເພີ່ມເຕີມສາມາດຕິດຕໍ່: tuan.nguyen@giz.de. ຫລື ພະນັກງານ ສຄອຊ ໄດ້ທີ່ ໂທ: 020 52562729 ທ. ສຸພັນທອງ, ອີເມວ: phonseyakai@gmail.com