ກອງປະຊຸມທຸລະກິດລາວ ຄັ້ງທີ 15

ກອງປະຊຸມທຸລະກິດລາວ ຄັ້ງທີ 15 ຈະຈັດຂຶ້ນໃນວັນທີ 2 ເມສາ 2024 ຢູ່ນະຄອນຫຼວງວຽງຈັນ.

ກອງປະຊຸມ ຈະມີຜູ້ເຂົ້າຮ່ວມທີ່ສຳຄັນ ຈາກທັງພາກລັດ ແລະ ເອກະຊົນ ເພື່ອປຶກສາຫາລື ກ່ຽວກັບປະເດັນສຳຄັນ ແລະ ແນວທາງແກ້ໄຂບັນຫາ ທີ່ສົ່ງຜົນກະທົບຕໍ່ພາກທຸລະກິດໃນ ສປປ ລາວ ເຊິ່ງຈະເນັ້ນໃສ່:

ການປັບປຸງການເລີ້ມຕົ້ນທຸລະກິດ ແລະ ຂັ້ນຕອນການລົງທຶນ, ການອຳນວຍຄວາມສະດວກທາງການຄ້າ ແລະ ປັບປຸງການເຂົ້າເຖິງແຮງງານຂອງພາກທຸລະກິດ.

ການສົ່ງເສີມການຜະລິດ ແລະ ການບໍລິການພາຍໃນ ແລະ ສົ່ງເສີມສະຖຽນລະພາບຂອງ ຂະແໜງການ ທະນາຄານ ແລະ ການເງິນ.

ປັງປຸງນະໂຍບາຍ ແລະ ມາດຕະການ ເພື່ອສົ່ງເສີມການພັດທະນາແບບຍືນຢົງຂອງຂະແໜງທ່ອງທ່ຽວ ແລະ ຂະແໜງພະລັງງານໄຟຟ້າ.

ກອງປະຊຸມດັ່ງກ່າວຈະໄດ້:

ປຶກສາຫາລືຢ່າງເລິກເຊິ່ງກ່ຽວກັບປະເດັນສຳຄັນເຫຼົ່ານີ້ ສ້າງໂອກາດໃນການຮ່ວມມື ລະຫວ່າງ ພາກພາກລັດ ແລະ ເອກະຊົນ ວາງຍຸດທະສາດທີ່ສາມາດນຳໄປຈັດຕັ້ງປະຕິບັດ ເພື່ອແກ້ໄຂຄວາມທ້າທາຍ ແລະ ເຮັດໃຫ້ທຸລະກິດເຕີບໂຕຂຶ້ນ.

ດັ່ງນັ້ນ, ທ່ານບໍ່ຄວນພາດໂອກາດທີ່ຈະໄດ້ ສ້າງເຄືອຂ່າຍກັບນັກທຸລະກິດຜູ້ອື່ນ ແລະ ຜູ້ທີ່ມີບົດບາດສຳຄັນຈາກພາກລັດ, ຮັບຮູ້ຂໍ້ມູນອັນສຳຄັນ ແລະ ມີສ່ວນຮ່ວມໃນການສ້າງສະພາບແວດລ້ອມຂອງການດຳເນີນທຸລະກິດທີ່ດີຂຶ້ນ ໃນ ສປປ ລາວ.