ກອງປະຊຸມ ປຶກສາຫາລື ຮ່ວມກັນສາມຝ່າຍ ລະຫວ່າງ ກະຊວງແຮງງານ ແລະ ສະຫວັດດີການ (ໃນນາມພາກລັດຖະບານ), ສະພາການຄ້າ ແລະ ອຸດສາຫະກຳ ແຫ່ງຊາດລາວ(ໃນນາມຕາງໜ້າຜູ້ໃຊ້ແຮງງານ) ແລະ ສູນກາງສະຫະພັນກຳມະບານລາວ (ໃນນາມຕາງໜ້າຜູ້ອອກແຮງງານ)

ໄດ້ຈັດຂຶ້ນໃນວັນທີ 27 ພຶດສະພາ 2022 ທີ່ໂຮງແຮມ ລາວພຣາຊ່າ ເປັນກຽດເຂົ້າຮ່ວມ ຂອງ ທ່ານ ພົງໄຊສັກ ອິນຖາລາດ, ຮອງລັດຖະມົນຕີ, ກະຊວງແຮງງານ ແລະ ສະຫວັດດີການສັງຄົມ, ທ່ານ ປອ. ໄຊບັນດິດ ຣາຊະພົນ, ຮອງປະທານ ສະພາການຄ້າ ແລະ ອຸດສາຫະກຳ ແຫ່ງຊາດລາວ, ທ່ານ ວິໄລ ວົງຂະເສີມ, ຮອງປະທານ ສູນກາງສະຫະພັນກຳມະບານລາວ, Mr. Arun Kuma , ILO Senior Specialist on Collective Bargaining and Social Dialogue, ຊ່ຽວຊານອາວຸໂສ ຂອງອົງການແຮງງານສາກົນ ພ້ອມດ້ວຍທ່ານຄະນະກຳມະທິການຕາງໜ້າຜູ້ໃຊ້ແຮງງານ ແລະ ອຸດສາຫະກຳ, ສະມາຄົມກຸ່ມຫົວໜ໋ວຍທຸລະກິດ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ ຈຸດປະສົງ ແມ່ນເພື່ອປຶກສາຫາລືຮ່ວມກັນສາມຝ່າຍ ເພື່່ອການເຕີບໂຕ, ການຟື້ນຟູທຸລະກິດ ແລະ ວຽກທີ່ມີຄຸນຄ່າປະກອບສ່ວນເຂົ້າໃນການຟື້ນຟູຈາກຜົນກະທົບຂອງການແຜ່ລະບາດຂອງພະຍາດໂຄວິດ-19  ແລະ ສົ່ງເສີມກົນໄກການປຶກສາຫາລືສາມຝ່າຍ ແລະ ຫຼາຍຝ່າຍໃນ ສປປ ລາວກ່ຽວກັບບັນດາສີ່ງທ້າທ້າຍ, ນອກນັ້ນ, ຍັງໄດ້ປຶກສາຫາລື ຂໍ້ສະເໜີແນະນຳຂອງສອງຝ່າຍ ລະຫວ່າງ ຕາງໜ້າຜູ້ໃຊ້ແຮງງານ ແລະ ຕາງໜ້າຜູ້ອອກແຮງງານ ຕໍ່ ຄະນະກຳມະການສາມຝ່າຍ.