ກອງປະຊຸມຄົບຄະນະບໍລິຫານງານ ສະພາການຄ້າ ແລະ ອຸດສາຫະກຳແຫ່ງຊາດລາວຊຸດທີ VIII ຄັ້ງທີ IV ໄດ້ໄຂຂຶ້້ນໃນວັນທີ 04 ພະຈິກ 2022 ທີ່ໂຮງແຮມ ຄຣາວພາຊາ

ເຊິ່ງເປັນການປະຊຸມແບບເຊິ່ງໜ້າ, ໂດຍການເປັນປະທານຮ່ວມຂອງ ທ່ານ ມະໄລທອງ ກົມມະສິດ ລັດຖະມົນຕີ ກະຊວງ ອຸດສາຫະກໍາ ແລະ ການຄ້າ ແລະ ທ່ານ ອຸເດດ ສຸວັນນະວົງ ປະທານ ສຄອຊ ພ້ອມດ້ວຍທ່ານ ສຽວສະຫວາດ ສະແຫວງສຶກສາ ປະທານກິດຕິມະສັກ ສຄອຊ, ມີການເຂົ້າຮ່ວມ ພ້ອມດ້ວຍຮອງປະທານ ຜູ້ປະຈໍາການ ສຄອຊ ແລະ ມີບັນດາທ່ານຄະນະບໍລິຫານງານ, ຄະນະທີ່ປຶກສາ, ປະທານ, ຮອງປະທານ ສຄອ ແຂວງ, ຄະນະເລຂາທິການ ແລະ ພະນັກງານຫຼັກແຫຼ່ງຂອງ ສຄອຊ ເຂົ້າຮ່ວມຈຳນວນຫຼາຍກວ່າ 70 ທ່ານ.

ຈຸດປະສົງຂອງກອງປະຊຸມໃນຄັ້ງນີ້ແມ່ນເພື່ອການລາຍງານການເຄື່ອນໄຫວວຽກງານ ສຄອຊ ປີ 2022 ແລະ ແຜນວຽກງານຈຸດສຸມປີ 2023 ແລະ ເພື່ອເປັນການປຶກສາຫາລື ໂອ້ລົມກັນພາຍໃນຄະນະບໍລິຫານງານຕໍ່່ກັບວຽກງານທີ່ຍັງມີບັນຫາທີ່ຍັງແກ້ໄຂບໍ່ໄດ້ ເພື່ອຊອກຫາວິທີທາງແກ້ໄຂທີ່ຖືກຈຸດ ແລະ ກົງປະເດັນ ພ້ອມທັງສະເໜີແຜນວຽກງານທີ່ຈະປະຕິບັດໃນຕໍ່ໜ້າອີກດ້ວຍ.