ໃນວັນທີ່ 21/11/2022. ສະພາການຄ້າ ແລະ ອຸດສາຫະກຳແຫ່ງຊາດລາວ (ສຄອຊ) ໄດ້ລົງນາມຂໍ້ຕົກລົງຮ່ວມມື້ກັບ ຊ່ຽວຊານດ້ານຄຸນນະພາບ(QCs), ຂໍ້ຕົກລົງໄດ້ອະທິບາຍເຖິງການຮ່ວມມື ແລະ ວິທີການໃນການຮ່ວມມືໃນອະນາຄົດລະຫວ່າງ LNCCI ແລະ QCs. ເພື່ອຊ່ວຍໃຫ້ຄຳປືກສາ, ແນະນຳຫົວໜ່ວຍທຸລະກິດໃນ ສປປ ລາວ ໃນການປັບປຸງຜະລິດຕະພັນ ແລະ ປະສິດທິພາບການດຳເນີນງານ, ເພື່ອໃຫ້ສາມາດສະມັກເອົາມາດຕະຖານສາກົນ ແລະ ເພີ່ມທະວີການສົ່ງອອກ.

ITC ພັດທະນາໂຄງການ QC ໃນປີ 2018 ໂດຍມີຈຸດປະສົງເພື່ອປູກຝັງຄວາມສາມາດດ້ານຄຸນນະພາບໃນ SMEs ໂດຍການສ້າງທີມງານຜູ້ຊ່ຽວຊານທີ່ມີຄຸນວຸດທິທີ່ສາມາດຊ່ວຍໃຫ້ອົງການຈັດຕັ້ງເຫຼົ່ານີ້ປະສົບຜົນສໍາເລັດໃນຕະຫຼາດ.

ໃນປີທີ່ຜ່ານມາ, QCs ໄດ້ຮັບການຝຶກອົບຮົມເພື່ອນໍາໃຊ້ເຄື່ອງມື ແລະ ເຕັກນິກເພື່ອຮັບປະກັນຄວາມປອດໄພຂອງອາຫານ ແລະ ຄຸນນະພາບ ລວມໄປເຖີງການສ້າງມາດຕະຖານສາກົນ. ໃນບັນດາການຝຶກອົບຮົມແມ່ນລວມມີຫົວຂໍ້ການຄຸ້ມຄອງຄຸນນະພາບ, ຄວາມປອດໄພຂອງອາຫານ, Lean Six Sigma Green Belt, ISO 9001, Kaizen, ແລະ ມາດຕະຖານອື່ນໆ.

ພາຍຫລັງສໍາເລັດໂຄງການ, QCs ຈະໄດ້ຮັບໃບຢັ້ງຢືນຈາກສາກົນ ແລະ ໃຫ້ບໍລິການທຸລະກິດ ໃນ ສປປລາວ,ໂດຍການເປັນຄູຝຶກສອນ ແລະ ເປັນທີ່ປຶກສາໂດຍຜ່ານ LNCCI.

ກ່ຽວກັບໂຄງການ

ໂຄງການຜູ້ເປັນແບບຢ່າງດ້ານຄຸນນະພາບແມ່ນຈັດຕັ້ງປະຕິບັດໂດຍສູນການຄ້າສາກົນ ແລະ ສະພາການຄ້າ ແລະ ອຸດສາຫະກຳແຫ່ງຊາດລາວ (LNCCI) ໂດຍຜ່ານການຊ່ວຍເຫຼືອຈາກໂຄງການເຊື່ອມໂຍງພາກພື້ນອາຊຽນ ARISE Plus ປະຈຳ ສປປ ລາວ ແລະ ເຊິ່ງໄດ້ຮັບການສະໜັບສະໜູນຈາກສະຫະພາບເອີຣົບ. ໂຄງການດັ່ງກ່າວແມ່ນແນໃສ່ປັບປຸງສະພາບແວດລ້ອມໃນການດຳເນີນທຸລະກິດໂດຍລວມ ແລະ ເພີ່ມທະວີການມີສ່ວນຮ່ວມໃນຕ່ອງໂສ້ມູນຄ່າທົ່ວໂລກ, ສຸມໃສ່ 2 ຂະແໜງການຄື: ກາເຟ ແລະ ປຸງແຕ່ງໄມ້.

ຂໍ້ມູນເພີ່ມເຕີມກະລຸນາເຂົ້າໄປທີ່: www.facebook.com/groups/ariseplus ແລະ https://intracen.org/arise-plus-laos