ເວທີສົນທະນາ ໃນຫົວຂໍ້: ໂອກາດ ແລະ ຄວາມທ້າທາຍໃນການນຳໃຊ້ລະບົບຕ່ອງໂສ້ຄວາມເຢັນໃນສີນຄ້າກະສິກຳລາວໃນການສົ່ງອອກ, ໃນວັນທີ 30 ພະຈິກ 2022, ທີ ໂຮງແຮມ ລາວພຣາຊາ, ນະຄອນຫລວງວຽງຈັນ.

ທ່ານ ບຸນທ່ຽງ ລັດຕະນະວົງ ຄະນະບໍລິຫານງານ ສະພາການຄ້າ ແລະ ອຸດສາຫະກຳແຫ່ງຊາດລາວ (ສຄອຊ), ຄະນະພັດທະນາທຸລະກິດກະສິກຳ ຂອງ ສຄອຊ ໃຫ້ກຽດຮ່ວມເວທີສົນທະນາ ເຊິງມີຄູ່ຮ່ວມສົນທະນາ ຈາກພາກລັດຖະບານ ແລະ ພາກທຸລະກິດ ຮ່ວມ 04 ທ່ານ, ໃນຫົວຂໍ້: ໂອກາດ ແລະ ຄວາມທ້າທາຍໃນການນຳໃຊ້ລະບົບຕ່ອງໂສ້ຄວາມເຢັນໃນສີນຄ້າກະສິກຳລາວໃນການສົ່ງອອກ, ໃນກອງປະຊຸມສຳມະນາ ການຄຸ້ມຄອງລະບົບຕ່ອງໂສ້ຄວາມເຢັນ ແລະ ສີນຄ້າກະສິກຳໃນ ສປປ ລາວ ເພື່ອສົ່ງອອກໄປ ສປ ຈີນ- ສຳລັບ ສປປ ລາວ

ຈຸດປະສົງຂອງການສົນທະນາໃນຄັ້ງນີ້ແມ່ນເພື່ອແລກປ່ຽນຄຳຄິດຄຳເຫັນຕໍ່ການນຳໃຊ້ລະບົບຕ່ອງໂສ້ຄວາມເຢັນເຂົ້າໃນຂະບວນການວາງແຜນທຸລະກິດໃຫ້ກັບທຸລະກິດລາວເພື່ອສົ່ງເສີມການສົ່ງອອກຂອງສິນຄ້າກະສິກຳ ໂດຍສະເພາະແມ່ນສິນຄ້າທີ່ຕ້ອງໃຊ້ຄວາມເຢັນໃນການຈັດເກັບຄຸນນະພາບ ແລະ ໂອກາດໃນການສົ່ງອອກສິນຄ້າຜ່ານລົດໄຟລາວຈີນ