ກອງປະຊຸມຕິດຕາມຄວາມຄືບໜ້າຂອງການແກ້ໄຂບັນດາຂໍ້ສະເໜີໃນການແກ້ໄຂບັນຫາຂອງພາກທຸລະກິດທີ່ຕິດພັນກັບຂະແໜງອຸດສາຫະກຳ ແລະ ການຄ້າ, ໃນວັນທີ 26 ທັນວາ 2022, ທີ່ຫ້ອງປະຊຸມທາງໄກ, ກະຊວງອຸດສາຫະກຳ ແລະ ການຄ້າ.

ທ່ານ ພູໄຊ ເທບພະວົງ ເລຂາທິການ ສະພາການຄ້າ ແລະ ອຸດສາຫະກຳແຫ່ງຊາດລາວ (ສຄອຊ) ໃຫ້ກຽດເຂົ້າຮ່ວມກອງປະຊຸມຕິດຕາມຄວາມຄືບໜ້າຂອງການແກ້ໄຂບັນດາຂໍ້ສະເໜີໃນການແກ້ໄຂບັນຫາຂອງພາກທຸລະກິດທີ່ຕິດພັນກັບຂະແໜງອຸດສາຫະກຳ ແລະ ການຄ້າ ທີ່ໄດ້ຍົກຜ່ານກົນໄກກອງປະຊຸມທຸລະກິດລາວ ເຊິງໃຫ້ກຽດເປັນປະທານໂດຍ ທ່ານ ປອ. ມະໂນທອງ ວົງໄຊ, ຮອງລັດຖະມົນຕີ ກະຊວງອຸດສາຫະກຳ ແລະ ການຄ້າ, ແລະ ມີຜູ້ເຂົ້າຮ່ວມໃນກອງປະຊຸມຈາກພາກສ່ວນທີ່ກ່ຽວຂ້ອງໂດຍກົງກ່ຽວກັບບັນຫາເຊັ່ນ: ກົມທະບຽນ ແລະ ຄຸ້ມຄອງວິສາຫະກິດ, ກົມອຸດສາຫະກຳ ແລະ ຫັດຖະກຳ, ກົມນຳເຂົ້າ ແລະ ສົ່ງອອກ,ກົມການຄ້າພາຍໃນ, ທ່ານ ເລຂາທີິການ (ສຄອຊ), ແລະ ກອງເລຂາກອງປະຊຸມທຸລະກີດລາວ. ຈຸດປະສົງຂອງກອງປະຊຸມແມ່ນເພື່ອປຶກສາຫາລື ແລະ ລາຍງານຄືນຄວາມຄືບໜ້າຕໍ່ການສະເໜີບັນຫາຂອງພາກທຸລະກິດ ທີ່ຍົກຜ່ານກົນໄກກອງປະຊຸມທຸລະກິດລາວຜ່ານມາ. ຂໍ້ສະເໜີວິທີ່ແກ້ໄຂທີ່ໄດ້ຍົກຂື້ນປຶກສາຫາລືໃນກອງປະຊຸມມີດັ່ງນີ້:

1. ປັບປູງຂັ້ນຕອນການອອກອານຸຍາດດຳເນີນທຸລະກິດໃຫ້ 6 ຂະແໜງການ

2. ພິຈາລະນາ ບໍ່ໃຫ້ມີການຂໍອານຸຍາດດຳເນີນທຸລະກິດໃນຂະແໜງການບູລິມະສິດ ສຳລັບກິດຈະກຳທີ່ມີຄວາມສ່ຽງຕ່ຳ

3. ພິີຈາລະນາຄືຶນກ່ຽວກັບດຳລັດ 238/ລບ ວ່າດ້ວຍສະມາຄົມ ແລະ ຂໍ້ຕົກລົງ 1006/ອຄ.ຄພນ ວ່າດ້ວຍການສ້າງຕັ້ງສະພາການຄ້າຕ່າງປະເທດ ປະຈຳ ສປປ ລາວ.

4. ພີຈາລະນາ, ຄົ້ນຄວ້າຫາທາງອອກປະເມີນຄືນ ຂໍ້ສະດວກແລະຂໍ້ຫຍຸ້ງຍາກ ຕໍ່ເເຈ້ງການ 04718/ຍທຂ.ຫກ

ການປະຊຸມຄັ້ງນີ້ທ່ານ ປອ. ມະໂນທອງ ວົງໄຊ ໄດ້ເນັ້ນເຖິງຄວາມສຳຄັນໃນການ ອຳນວຍຄວາມສະດວກຂອງການອອກໃບອະນຸຍາດດຳເນີນທຸລະກິດໃນຂະແໜງການຕ່າງໆໃຫ້ແກ່ທຸລະກິດ ເພື່ອສົ່ງເສີມການແຂ່ງຂັນ ທຸລະກິດໃນລາວ ແລະ ດຶງດູູດນັກລົງທຶນທີ່ມີຄູນນະພາບຈາກຕ່າງປະເທດເຂົ້າມາປະເທດ.