ສະພາການຄ້າ ແລະ ອຸດສາຫະກຳ ແຫ່ງຊາດລາວ ຮ່ວມກັບອົງການ WWF-Laos ໄດ້ຈັດງານສຳມະນາຂຶ້ນພາຍໃຕ້ຫົວຂໍ້: ”ວິທີແກ້ໄຂທາງທຳມະຊາດທີ່ສາມາດເຂົ້າເຖິງແຫຼ່ງເງິນກູ້ຈາກທະນາຄານໄດ້ (Bankable Nature Solution)” ໃນວັນທີ 19 ມັງກອນ 2023, ເວລາ 08:30-12:00 ໂມງ ທີ່ ຫ້ອງການສະພາການຄ້າ ແລະ ອຸດສາຫະກໍາ ແຫ່ງຊາດລາວ.

ຈຸດປະສົງໃນການຈັດງານສຳມະນາໃນຄັ້ງນີ້ແມ່ນເພື່ອນຳສະເໜີໂຄງການຂອງອົງການ WWF ວ່າດ້ວຍການດຳເນີນທຸລະກິດແບບໃດ ເພື່ອທີ່ຈະສາມາດເຂົ້າຫາແຫຼ່ງທຶນຂອງທະນາຄານໄດ້, ໂດຍຜູ້ຊ່ຽວຊານຈາກໂຄງການໄດ້ບັນຍາຍເພື່ອສ້າງຄວາມເຂົ້າໃຈໃຫ້ແກ່ພາກເອກະຊົນກໍຄືຜູ້ປະກອບການໃຫ້ຮູ້ກ່ຽວກັບການດຳເນີນທຸລະກິດທີ່ບໍ່ກະທົບຕໍ່ສະພາບແວດລ້ອມ ຄວບຄູ່ໄປກັບການສ້າງຄວາມຍືນຍົງໃຫ້ແກ່ທຳມະຊາດ ແລະ ກິດຈະການຂອງຜູ້ປະກອບການເວລາດຽວກັນ, ເຊິງມີຜູ້ເຂົ້າຮ່ວມກວ່າ 10 ບໍລິສັດທີ່ຢູ່ໃນຂະແໜງການໄມ້, ຊາ, ກາເຟ ແລະ ເຂົ້າ.