ກອງປະຊຸມເຜີຍແຜ່ນະໂຍບາຍ ແລະ ຂໍ້ຕົກລົງວ່າດ້ວຍ ອຸດສາຫະກຳ ສີຂຽວ ໃນວັນທີ 28 ເມສາ 2023, ທີ່ຫ້ອງປະຊຸມ ສະພາການຄ້າ ແລະ ອຸດສາຫະກຳ ແຫ່ງຊາດລາວ (ສຄອຊ)

ທ່ານ ນາງ ສຸໄພວັນ ທ່ຽງຈັນໄຊ, ຄະນະບໍລິຫານງານ ສະພາການຄ້າ ແລະ ອຸດສາຫະກຳ ແຫ່ງຊາດລາວ (ສຄອຊ), ຮອງປະທານຄະນະກໍາມະທິການຕາງໜ້າຜູ້ໃຊ້ແຮງງານ ແລະ ອຸດສາຫະກໍາ (ສຄອຊ) ເປັນປະທານຮ່ວມ ທ່ານ ສຳລີ ບຸດສະດີ, ຮັກສາການແທນຫົວໜ້າກົມ, ກົມອຸດສາຫະກໍາ ແລະ ຫັດຖະກຳ, ກະຊວງ ອຸດສາຫະກຳ ແລະ ການຄ້າ ໃນກອງປະຊຸມເຜີຍແຜ່ນະໂຍບາຍ ແລະ ຂໍ້ຕົກລົງວ່າດ້ວຍ ອຸດສາຫະກຳ ສີຂຽວ.

ຈຸດປະສົງ ກໍ່ແມ່ນເພື່ອເຜີຍແຜ່ນະໂຍບາຍ ແລະ ທິດຊີ້ນຳຂອງລັດຖະບານ ກ່ຽວກັບການພັດທະນາເສດຖະກິດສັງຄົມໄປຕາມທິດສີຂຽວ, ສົມດູນ ແລະ ຍືນຍົງ ແລະ ແຜນພັດທະນາອຸດສາຫະກຳປຸງແຕ່ງ ແລະ ຫັດຖະກຳ (2021-2025) ແລະ ເຜີຍແຜ່ຊຸກຍູ້ສົງເສີມໃຫ້ບັນດາຫົວໜ່ວຍໂຮງຈັກໂຮງງານ ເອົາໃຈໃສໃນການປະຢັດວັດຖຸດິບ ແລະ ນຳໃຊ້ພະລັງງານຢ່າງມີປະສິດຕິພາບ ເພື່ອເປັນການ ຫຼຸດຜ່ອນຕົ້ນທືນ ແລະ ເພີ່ມປະສິດຕິພາບຂອງການຜະລິດ ແລະ ຫຼຸດຜ່ອນ ຜົນກະທົບຕໍ່ສິ່ງແວດລ້ອມ ແລະ ສັງຄົມ.