ສະພາການຄ້າ ແລະ ອຸດສາຫະກຳ ແຫ່ງຊາດລາວ ໃນນາມຕາງໜ້າພາກທຸລະກິດ ແລະ ຕາງໜ້າຜູ້ໃຊ້ແຮງງານ ຂໍຖືເປັນກຽດແຈ້ງໃຫ້ຊາບວ່າ:

ອີງຕາມການແຈ້ງການ ໃຫ້ປັບຄ່າແຮງງານຂັ້ນຕ່ຳສຸດ ສຳລັບຜູ້ອອກແຮງຢູ່ໃນ ສປປລາວ ໃນປີ 2023 (ໄລຍະທີ 3 ໃນວັນທີ 1 ຕຸລາ 2023), ຈຸດປະສົງແມ່ນ ເພື່ອເປັນການປັບປຸງຊີວິດການເປັນຢູ່ ຂອງຊາວຜູ້ອອກແຮງງານ ທີ່ເຮັດວຽກຢູ່ໃນຫົວໜ່ວຍການຜະລິດ, ທຸລະກິດລວມທັງໃນລະບົບ ແລະ ນອກລະບົບໃຫ້ດີຂຶ້ນກວ່າເກົ່າ ແລະ ໄດ້ຮັບຄ່າຕອບແທນຈາກການເຮັດວຽກທີ່ເໝາະສົມ ແລະ ສາມາດດຳລົງຊີວິດກັບສະພາບເສດຖະກິດໃນປັດຈຸບັນນີ້, ເຊິ່ງມີລາຍລະອຽດ ແລະ ການປັບຂຶ້ນມີດັ່ງນີ້: ເຫັນດີໃຫ້ປັບ (ເງິນເດືອນຂັ້ນຕ່ຳສຸດຫຼືພື້ນຖານໂດຍບໍ່ໄດ້ລວມເງິນອຸດໜູນຕ່າງໆ) ໃນຄັ້ງທີ 3 ຈາກ 1,300,000 ກີບ ມາເປັນ 1,600,000 ຕໍ່ຄົນ ຕໍ່ 1 ເດືອນ ໂດຍມີຜົນບັງຄັບໃຊ້ ແຕ່ 1 ຕຸລາ 2023 ເປັນຕົ້ນໄປ

ລາຍລະອຽດເພີ່ມເຕີມ: https://bitly.ws/TmgM