ຄະນະ ສຄອຊ ນໍາໂດຍ ທ່ານ ອຸເດດ ສຸວັນນະວົງ, ປະທານ ສຄອຊ ແລະ ບໍລິສັດ ATI ນໍາໂດຍ ທ່ານ ທະນູສອນ ພົນອາມາດ, ປະທານ ບໍລິສັດ ATI ແລະ ພາກສ່ວນທີ່ກ່ຽວຂ້ອງ

ໄດ້ໃຫ້ກຽດເຂົ້າຮ່ວມພິທີເປີດ ສູນປະຕິບັດງານການຄ້າເອເລັກໂທນິກ ຜະລິດຕະພັນລາວ ສຄອຊ ປະຈຳ ສປ ຈີນ, ທີ່ ນະຄອນ ຄຸນໝິງ, ແຂວງ ຢຸນໜານ ສປ ຈີນ ໃນວັນທີ 12 ສິງຫາ 2024

ສູນດັັ່ງກ່າວ ຈະເປັນເວທີໜື່ງທີ່ສຳຄັນ ໃນການສົ່ງເສີມຜະລິດຕະພັນທີ່ຜະລິດໃນລາວເພື່ອ ຈໍາໜ່າຍເຂົ້າສູ່ຕະຫຼາດຈີນ ໃຫ້ນັບມື້ນັບຫຼາຍຂື້ນ, ແລະ ຈະເປັນເວທີໃນການແລກປ່ຽນຄຳຄິດຄຳເຫັນຂອງຫົວໜ່ວຍທຸລະກິດດ້ວຍກັນເພື່ອປັບປຸງຜະລິດຕະພັນ ໃຫ້ມີຄຸນນະພາບດີຂື້ນເລື້ອຍໆ ສາມາດຈໍາໜ່າຍ ແລະ ແຂ່ງຂັນໃນຕະຫລາດ ສປ ຈີນ, ພ້ອມດຽວກັນນັ້ນກໍ່ເພື່ອເປັນການສົ່ງເສີມການຮ່ວມມືທຸລະກິດລາວ-ຈີນ ແລະ ດືງດູດການລົງທຶນ ທີ່ມີຄຸນນະພາບແລະ ໄດ້ຕາມເປົ້າໝາຍຂະແໜງການທີ່ ສປປ ລາວ ຕ້ອງການສົ່ງເສີມ ຈາກ ສປ ຈີນ.