ໃນນາມ Platform Made in Laos ຂອງສະພາການຄ້າ ແລະ ອຸດສາຫະກຳ ແຫ່ງຊາດລາວ ແລະ ບໍລິສັດ ນ້ຳດື່ມ ມິນີໂຣ (Mineral) ຮ່ວມກັບ ບໍລິສັດທາງລົດໄຟລາວ-ຈີນ

ພ້ອມດ້ວຍ ສະພາການຄ້າ ແລະ ອຸດສາຫະກຳ ແຂວງຫຼວງນ້ຳທາ ໄດ້ມອບນ້ຳດື່ມຊ່ວຍຜູ້ປະສົບໄພນ້ຳຖ້ວມແຂວງ ຫຼວງນ້ຳທາ ຈຳນວນ 1,100 ແພັກ ມູນຄ່າ 55,000,000 ກີບ ໃນວັນທີ 14 ກັນຍາ 2024, ເນື່ອງຈາກ ພື້ນທີ່ດັ່ງກ່າວໄດ້ຮັບຜົນກະທົບຈາກສະພາບຝົນຕົກໜັກຕິດຕໍ່ກັນຫຼາຍວັນ ເຮັດໃຫ້ລະດັບນໍ້າເພີ່ມສູງຂຶ້ນຢ່າງໄວວາ ແລະ ໄຫຼເຂົ້າຖ້ວມເຮືອນຊານ ລວມເຖິງ ເນື້ອທີ່ທຳການຜະລິດ, ສັດລ້ຽງ ແລະ ຊັບສິນ ຂອງປະຊາຊົນ ໄດ້ຮັບຄວາມເສຍຫາຍຢ່າງຫຼວງຫຼາຍ, ແລະ ຂໍສົ່ງກໍາລັງໃຈແກ່ປະຊາຊົນຜູ້ປະສົບອຸທົກກະໄພ ລວມເຖິງ ເຈົ້າຫນ້າທີ່ທຸກພາກສ່ວນ ຜູ້ປະຕິບັດງານໃນພື້ນທີ່ ໃຫ້ກ້າວຜ່ານວິກິດທີ່ຫຍຸ້ງຍາກໃນຄັ້ງນີ້ ຢ່າງເຂັ້ມແຂງ ແລະ ສາມາດກັບມາດໍາລົງຊີວິດຕາມປົກກະຕິໄດ້ໂດຍໄວ.