ໃນຖານະທີ່ເປັນສ່ວນໜຶ່ງຂອງການລິເລີ່ມນີ້, ສຄອຊ ຈະຊ່ວຍບໍລິສັດ ເບທາໂກ (ລາວ) ຈຳກັດຜູ້ດຽວ ໃນການພັດທະນາ ແລະ ນຳແນວທາງຈັດຕັ້ງປະຕິບັດສຳລັບການຝຶກງານທີ່ມີໂຄງສ້າງໄປໃຊ້. ແຜນງານທົດລອງນີ້ຈະຊ່ວຍເສີມຂະຫຍາຍຄວາມພ້ອມຂອງກຳລັງແຮງງານ ໃນຂະນະທີ່ຍັງຮັກສາຄວາມສອດຄ່ອງກັບຄວາມຕ້ອງການຂອງອຸດສາຫະກໍາ. ສອງຝ່າຍໄດ້ກຳນົດບົດບາດ ແລະ ຄວາມຮັບຜິດຊອບທີ່ຈະແຈ້ງ-ຊັດເຈນ ເພື່ອຮັບປະກັນການນຳໄປຈັດຕັ້ງປະຕິບັດໃຫ້ມີປະສິດທິຜົນ ແລະ ມີຄວາມຍືນຍົງໃນໄລຍະຍາວ.

ການຮ່ວມມືນີ້ຊີ້ໃຫ້ເຫັນເຖິງຄວາມມຸ່ງໝັ້ນຂອງ ສອຄຊ ໃນການເສີມສ້າງການຝຶກອົບຮົມວິຊາຊີບ ແລະ ສະໜັບສະໜູນການເຕີບໃຫຍ່ຂະຫຍາຍຕົວຂອງພາກທຸລະກິດ. ຂໍ້ລິເລີ່ມດັ່ງກ່າວຄາດວ່າ ຈະເປັນຕົວແບບສຳລັບໂຄງການຝຶກງານທີ່ຜູ້ໃຊ້ແຮງງານເປັນຜູ້ນຳພາທີ່ສາມາດຂະຫຍາຍອອກໄປໃນທົ່ວປະເທດລາວ.