05:00 ໂມງ, ນະຄອນຫຼວງວຽງຈັນ 08 ສິງຫາ 2025 – ງານແຂ່ງຂັນກິລາບານເຕະມິດຕະພາບ ຄົບຮອບ 35 ປີ ສຄອຊ ໄດ້ປິດຢ່າງເປັນທາງການ ທີ່ເດີນກິລາ ເຟີລາລີ້ FC

ງານດັ່ງກ່າວໄດ້ຈັດຂື້ນເພື່ອສ້າງຂະບວນການຕ້ອນຮັບ ແລະ ສະເຫຼີມສະຫຼອງວັນສຳຄັນຂອງຊາດລາວເຊັ່ນ: ວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 70 ປີ, ວັນສະຖາປະນາ ສປປ ລາວ ຄົບຮອບ 50 ປີ, ວັນຄ້າຍວັນເກີດປະທານ ໄກສອນ ພົມວິຫານ ຄົບຮອບ 105 ປີ ແລະ ເພື່ອເປັນການສ້າງຄວາມສາມັກຄີຮັກແພງລະຫວ່າງອົງກອນນຳກັນ. ກິດຈະກຳດັ່ງກ່າວໄດ້ຮັບການສະຫຼັບສະໜູນຈາກຫຼາຍພາກສ່ວນເຊັ່ນ: ບໍລິສັດ ປີໂຕຣລ້ຽມເທຣດດິ້ງ ລາວ ມະຫາຊົນ, ບໍລິສັດ ເບຍລາວ ຈໍາກັດ, ບໍລິສັດ ສະຫວັນ ປາຊີຟິກາ ດີວີລົບເມັນ ຈຳກັດ, ລັດວິສາຫະກິດໄຟຟ້າລາວ, ບໍລິສັດ ຫົວຢວນ ການລົງທຶນ, ສະຖາບັນການເງິນຈຸລະພາກທີ່ຮັບຝາກ ນິວຄອນເຊັບ ຈຳກັດ,

ບໍລິສັດ ລາວ-ຊຽງຟົງ ປິຈິເນສ ທ່ອງທ່ຽວ ພັດທະນາ ຈຳກັດຜູ້ດຽວ, ໂຮງແຮມ ລາດຊະວົງ ວັນດ້າ ວິສຕ້າ ຈໍາກັດຜູ້ດຽວ, ບໍລິສັດ ຝຸ່ນໂປຕາສ ອາຊີ-ໂປຕາສ ສາກົນ (ລາວ) ຈໍາກັດຜູ້ດຽວ, ບໍລິສັດ ລ້ານຊ້າງ ມີເນໂຣນສ໌ ຈຳກັດ, ບໍລິສັດ ATI Trade Investment,ໂຮງງານອຸດສາຫະກຳ ໂຕໂຢລາວ ຈຳກັດຜູ້ດຽວ, ບໍລິສັດ ສາມເອັສ໌ພັດທະນາ ຈຳກັດຜູ້ດຽວ, ບໍລິສັດ ກຸ່ມຄໍາໄພຊະນະ ຈຳກັດຜູ້ດຽວ, ບໍລິສັດ ໄອຈ໋ອບ ຈຳກັດ, Skaff group, Taykeo Textiles Gallery, ລັດວິສາຫະກິດພັດທະນາແຮ່ທາດລາວ, ລັດວິສະຫະກິດ ນ້ຳມັນເຊື້ອໄຟລາວ.

ງານດັ່ງກ່າວໄດ້ຮັບກຽດເຂົ້າຮ່ວມພິທີປີດໂດຍ ທ່ານ ມະໄລທອງ ກົມມະສິດ ລັດຖະມົນຕີ ກະຊວງອຸດສາຫະກຳ ແລະ ການຄ້າ, ພ້ອມດ້ວຍທ່ານ ອຸເດດ ສຸວັນນະວົງ ປະທານ ສະພາການຄ້າ ແລະ ອຸດສາຫະກຳແຫ່ງຊາດລາວ, ທ່ານ ດຣ ໄພວັນ ແກ້ວປະເສີດ ຮອງລັດຖະມົນຕີ ກະຊວງສາທາລະນະສຸກ, ທ່ານ ສົມຈິດ ອິນທະມິດ ທີ່ປຶກສາກິດຕິມະສັກ ສຄອຊ ແລະ ນັກກິລາເຂົ້າຮ່ວມຫຼາຍກວ່າ 200 ທ່ານ.

ການແຂ່ງຂັນກິລາບານເຕະມິດຕະພາບໃນຄັ້ງນີ້ມີທີມນັກກິລາຈາກ 12 ພາກສ່ວນເຂົ້າຮ່ວມ ປະກອບມີ ກະຊວງອຸດສາຫະກຳ ແລະ ການຄ້າ, ກະຊວງສຶກສາທິການ ແລະ ກິລາ, ກະຊວງກະສິກຳ ແລະ ແລະ ສິ່ງແວດລ້ອມ, ກະຊວງແຮງງານ ແລະ ສະຫວັດດີການສັງຄົມ, ກະຊວງໂຍທາທິການ ແລະ ຂົນສົ່ງ, ກະຊວງສາທາລະນະສຸກ, ບໍລິສັດ ປີໂຕຣລ້ຽມເທຣດດິ້ງ ລາວ ມະຫາຊົນ, ລັດວິສາຫະກິດ ໄຟຟ້າລາວ, ສະມາຄົມທະນາຄານລາວ, ສະມາຄົມເຟີນີເຈີລາວ, ຫ້ອງການຄະນະກຳມະການຮ່ວມມືລາວ-ຈີນ ແລະ ສະພາການຄ້າ ແລະ ອຸດສາຫະກຳແຫ່ງຊາດລາວ ແລະ ໄດ້ຈັດການແຂ່ງຂັນໃນວັນທີ 2 ສິງຫາ ຜ່ານມາສາມາດຄັດໄດ້ທີມທີ່ເຂົ້າສູ່ຮອບຮອງຊະນະເລີດ 4 ທີມ ປະກອບມີ ກະຊວງໂຍທາທິການ ແລະ ຂົນສົ່ງ, ກະຊວງສາທາລະນະສຸກ, ລັດວິສາຫະກິດໄຟ້ຟ້າລາວ ແລະ ສະມາຄົມເຟີນີເຈີລາວ.

ງານແຂ່ງຂັນໄດ້ດຳເນີນດ້ວຍຄວາມຟົດຟື້ນ ເຊິ່ງການແຂ່ງຂັນໄດ້ດຳເນີນໄປຕາມກະຕິກາ ແລະ ສາມັກຄີກັນຮັກແພງ ແລະ ເປັນການພົບກັນລະຫວ່າງ ກະຊວງໂຍທາທິການ ແລະ ຂົນສົ່ງ ພົບກັບ ສະມາຄົມເຟີນີເຈີລາວ ແລະ ກະຊວງສາທາລະນະສຸກ ພົບກັບ ລັດວິສາຫະກິດໄຟຟ້າລາວ ເພື່ອຄັດເລືອກເອົາທີມເຂົ້າຊິງຊະນະເລີດ.

.

ຜ່ານການແຂ່ງຂັນທີມໄດ້ຮັບໄຊຊະນະເລີດແມ່ນ ທີມລັດວິສາຫະກິດໄຟ້ຟ້າລາວ ແລະ ຮອງຊະນະເລີດໄດ້ແກ່ ທີມສະມາຄົມເຟີນີເຈີລາວ.

.

ງານດັ່ງກ່າວຍັງໄດ້ມີການແຂ່ງຂັນນັດພິເສດເພື່ອສ້າງຄວາມສາມັກຄີ ລະຫວ່າງ ກະຊວງອຸດສາຫະກຳ ແລະ ການຄ້າ ເຊີ່ງນຳໂດຍ ທ່ານ ມະໄລທອງ ກົມມະສິດ ລັດຖະມົນຕີ ກະຊວງອຸດສາຫະກຳ ແລະ ການຄ້າ ພົບກັບ ສະພາການຄ້າ ແລະ ອຸດສາຫະກຳແຫ່ງຊາດລາວ ເຊີ່ງນຳໂດຍ ທ່ານ ອຸເດດ ສຸວັນນະວົງ ປະທານ ສະພາການຄ້າ ແລະ ອຸດສາຫະກຳແຫ່ງຊາດລາວ ຜົນການແຂ່ງຂັນແມ່ນສະເໜີກັນ 3-3 ປະຕູ