ວໍຊີງຕັນ ດີຊີ, ສະຫະລັດອາເມຣິກາ, ລະຫວ່າງວັນທີ 27-30 ກັນຍາ 2025, ສະພາການຄ້າ ແລະ ອຸດສາຫະກຳ ແຫ່ງຊາດລາວ ນຳໂດຍ ທ່ານ ທະນົງສິນ ກັນລະຍາ, ຮອງປະທານສະພາການຄ້າ ແລະ ອຸດສາຫະກຳ ແຫ່ງຊາດລາວ

ພ້ອມດ້ວຍຄະນະ ໄດ້ເຂົ້າຮ່ວມກອງປະຊຸມພົບປະນັກທຸລະກິດ ລາວ-ອາເມຣິກາ (Laos-US Business Roundtable Dialogue) ໂດຍການຮ່ວມມືກັນຂອງ ສະພາການຄ້າ ແລະ ອຸດສາຫະກໍາ ແຫ່ງຊາດລາວ, ສະພາການຄ້າ ສ. ອາເມຣິກາ, ສະພາທີ່ປຶກສາທຸລະກິດ ສ. ອາເມຣິກາ – ອາຊຽນ ແລະ ສະມາຄົມນັກທຸລະກິດ ລາວ – ສ.ອາເມຣິກາ ປະຈໍາ ສປປ ລາວ, ເຊິ່ງພາຍໃນງານດັ່ງກ່າວໃຫ້ກຽດການເປັນປະທານກອງປະຊຸມໂດຍ ພະນະທ່ານ ສອນໄຊ ສີພັນດອນ, ນາຍົກລັດຖະມົນຕີ ແຫ່ງ ສປປ ລາວ, ພະນະທ່ານ ພູໂຂງ ສີສຸລາດ, ເອກອັກຄະລັດຖະທູດແຫ່ງ ສປປ ລາວ ປະຈຳ ສ. ອາເມຣິກາ, ທ່ານ Amb. Brian D. McFeeters, ປະທານ ແລະ ຜູ້ອໍານວຍການໃຫຍ່ສະພາທີ່ປຶກສາທຸລະກິດ ສ. ອາເມຣິກາ – ອາຊຽນ, ທ່ານ ນາງ Jacqueline J. Spence, ປະທານສະມາຄົມນັກທຸລະກິດ ລາວ-ສ. ອາເມຣິກາ ປະຈໍາ ສປປ ລາວ, ບັນດາພາກລັດ ແລະ ພາກທຸລະກິດ ທັງ 2 ປະເທດລວມທັງໝົດ 60 ທ່ານ.