ກອງປະຊຸມສຳມະນາ ຫົວຂໍ້: “Workshop-Logistics & Tourism Industry Cooperation Between Laos and Korea”  ໃນວັນທີ 26 ຕຸລາ 2018, ເວລາ 09:00 ໂມງ, ທີ່ ສະພາການຄ້າ ແລະ ອຸດສາຫະກໍາ ແຫ່ງຊາດລາວ.

ໂດຍພາຍໃຕ້ການເປັນປະທານຂອງ ທ່ານ ອຸເດດ ສຸວັນນະວົງ ປະທານ ສຄອ ແຫ່ງຊາດລາວ, ທ່ານ Lee Sung Rul ປະທານ New Asia Industry-Academia Cooperation Organization, ທ່ານ Shin Sung Soon ເອກອັກຄະລັດຖະທູດ ສສ ເກົາຫຼີ.

ຈຸດປະສົງຂອງກອງປະຊຸມສຳມະນາໃນຄັ້ງນີ້ແມ່ນເພື່ອເປັນການເຜີຍແຜ່ຂໍ້ມູນ ແລະ ແລກປ່ຽນປຶກສາຫາລືກ່ຽວກັບຄວາມເປັນໄປໄດ້ວຽກງານການຮ່ວມມືທາງດ້ານການຂົນສົ່ງສິນຄ້າ, ການທ່ອງທ່ຽວ, ດ້ານຂະແໜງ ICT ແລະ ຂະແໜງການກໍ່ສ້າງຂອງພາກທຸລະກິດ ລາວ-ເກົາຫຼີ ໂດຍຕ່າງຝ່າຍຕ່າງໄດ້ຮັບຜົນປະໂຫຍດ ແລະ ໃນທີ່ກອງປະຊຸມຍັງໄດ້ມີພິທີເຊັນສັນຍາບັນທຶກຄວາມເຂົ້າໃຈ ໃນການຮ່ວມມືລະຫວ່າງສອງຝ່າຍ ໂດຍມີຜູ້ເຂົ້າຮ່ວມຈຳນວນທັງໝົດ 60 ທ່ານ ຈາກພາກທຸລະກິດລາວ ແລະ ນັກທຸລະກິດ ສສ ເກົາຫຼີ ໃນ 4 ຂະແໜ່ງການທີ່ໄດ້ກ່າວມາເທິງນັ້ນ.