ໃນວັນທີ 08 ຕຸລາ 2019, ທີ່ ຫ້ອງປະຊຸມ ສະພາການຄ້າ ແລະ ອຸດສາຫະກຳ ແຫ່ງຊາດລາວ, ສະພາການຄ້າ ແລະ ອຸດສາຫະກຳ ແຫ່ງຊາດລາວ (ສຄອຊ) ຖືເປັນກຽດຕ້ອນຮັບ ຄະນະກຳມາທິການທ່ອງທ່ຽວ, ເຢຍລະມັນ

ເຊິ່ງນຳພາໂດຍ ທ່ານ Dr. Klaus-Peter Schulze ພ້ອມດ້ວຍຄະນະໄດ້ເດີນທາງມາຢ້ຽມຢາມ ແລະ ເຮັດວຽກ ຢູ່ ສປປ ລາວ ລະຫວ່າງວັນທີ 5-8 ຕຸລາ 2019 ໃນໂອກາດທີ່ເດີນທາງມາຢ້ຽມຢາມ ສປປ ລາວ ໃນຄັ້ງນີ້ຄະນະດັ່ງກ່າວໄດ້ມາເຂົ້າພົບປະຢ້ຽມຢາມ ສະພາການຄ້າ ແລະ ອຸດ ສາຫະກຳ ແຫ່ງຊາດລາວ

ໂດຍການຕ້ອນຮັບຂອງ ທ່ານ ທະນົງສິນ ກັນລະຍາ ຜູ້ປະຈຳການ, ຮອງປະທານ ສຄອ ແຫ່ງຊາດລາວ ຈຸດປະສົງແມ່ນເພື່ອເປັນການສືບຕໍ່ເສີມຂະຫຍາຍການຮ່ວມມືກັບເຢຍລະມັນ ທັງເປັນໂອກາດອັນດີ ເພື່ອຂົນຂວາຍທຶນການຊ່ວຍເຫລືອ ຈາກເຢຍລະມັນເນື່ອງຈາກປັດຈຸບັນເປັນປະເທດຕົ້ນໆຂອງບັນດາປະເທດໃນຂົງເຂດເອີຣົບ ທີ່ ໄດ້ໃຫ້ການຊ່ວຍເຫລືອລ້າແກ່ ສປປ ລາວ ເປັນຈຳນວນຫລາຍ.