ໃນຕອນບ່າຍ ຂອງວັນທີ 13 ສິງຫາ 2020 ທີ່ ຫ້ອງການກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ, ທ່ານ ອຸເດດ ສຸວັນນະວົງ ປະທານ ສະພາການຄ້າ ແລະ ອຸດສາຫະກຳແຫ່ງຊາດລາວ (ສຄອຊ), ພ້ອມດ້ວຍຄະນະບໍລິຫານງານ

ໄດ້ເຂົ້າຢ້ຽມພົບປະ ທ່ານ ສຈ.ປອ. ກິແກ້ວ ໄຂຄຳພິທູນ ເລຂາທິການສູນກາງພັກປະຊາຊົນປະຕິວັດລາວ ລັດຖະມົນຕີ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ, ເພື່ອປືກສາຫາລື ກ່ຽວກັບການຮ່ວມມືລະຫວ່າງ ສະພາການຄ້າ ແລະ ອຸດສາຫະກຳແຫ່ງຊາດລາວ ແລະ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ໃນວຽກງານການສົ່ງເສີມ ອຸດສາຫະກຳການທ່ອງທ່ຽວ.