ພິທີເປີດປ້າຍໂຄສະນາ ຂອງສູນການຜະລິດທີ່ສະອາດ CP Clinic, ໃນວັນທີ່ 5 ພະຈິກ 2020, ທີ່ ສະພາການຄ້າ ແລະ ອຸດສາຫະກຳ ແຫ່ງຊາດລາວ.

ເປັນກຽດເຂົ້າຮ່ວມເປັນປະທານໂດຍ ທ່ານ ສົມຈິດ ອີນທະມິດ ຮອງລັດຖະມົນຕີ ກະຊວງອຸດສາຫະກຳ ແລະ ການຄ້າ, ແລະ ທ່ານ ອຸເດດ ສຸວັນນະວົງ ປະທານ ສະພາການຄ້າ ແລະ ອຸດສາຫະກຳແຫ່ງຊາດລາວ, ສູນການຜະລິດທີ່ສະອາດແມ່ນຂື້ນກັບ ກົມອຸດສາຫະກຳ ແລະ ຫັດຖະກຳ ກະຊວງອຸດສາຫະກຳ ແລະ ການຄ້າ, ເຊິ່ງມີບົດບາດໃນການສົ່ງເສີມ ແລະ ພັດທະນາການຜະລິດທີ່ສະອາດ ແລະ ການນຳໃຊ້ຊັບພະຍາກອນມະນຸດ ແລະ ພະລັງງານຢ່າງມີປະສິດຖິພາບ, ເພີ່ມຜະລິດຕະພາບໃນການຜະລິດ, ຫຼຸດຜ່ອນຜົນກະທົບຕໍ່ສິ່ງແວດລ້ອມ, ສູນການຜະລິດທີສະອາດເປັນສູນວິຊາການມີໜ້າທີ່ສະໜອງຂໍ້ມູນຂ່າວສານດ້ານເຕັກໂນໂລຊີການຜະລິດທີ່ສະອາດໃຫ້ພາກທຸລະກິດ, ເຊິງໄດ້ເປີດຫ້ອງການເພື່ອໃຫ້ບໍລິການທຸກໆວັນພະຫັດ ທີ່ ສະພາການຄ້າ ແລະ ອຸດສາຫະກຳແຫ່ງຊາດລາວ.