ຈາກຄວາມສຳເລັດຂອງກອງປະຊຸມ LAO EV Forum ຄັ້ງທຳອິດໃນປີ 2022, ການຈັດ​ກອງປະຊຸມ LAO EV Forum ໃນຄັ້ງທີ 2 ນີ້ໄດ້ມີເປົ້າໝາຍເພື່ອສົ່ງເສີມຄວາມຮ່ວມມື ແລະ ການແລກປ່ຽນຄວາມຮູ້ລະຫວ່າງຜູ້ທີ່ມີສ່ວນຮ່ວມໃນອຸດສາຫະກຳຍານພະຫະນະໄຟຟ້າ, ເຊິ່ງກອງປະຊຸມຄັ້ງລ່າສຸດກໍໄດ້ພິສູດໃຫ້ເຫັນແລ້ວວ່າ ນັບເປັນເຄື່ອງມືທີ່ສຳຄັນໃນການສ້າງເວທີສຳລັບການປຶກສາຫາລືກ່ຽວກັບຄວາມທ້າທ້າຍ, ໂອກາດ ແລະ ກົນລະຍຸດໃຍການພັດທະນາລະບົບນິເວດ ຂອງຍານພະຫະນະໄຟຟ້າໃນ ສປປ ລາວ ເນື່ອງຈາກອຸດສາຫະກຳຍານພະຫະນະໄຟຟ້າໄດ້ມີການເຕີບໂຕ ແລະ ພັດທະນາແບບກ້າວກະໂດດຢ່າງຕໍ່ເນື່ອງ ຈຶ່ງຈຳເປັນຢ່າງຍິ່ງທີ່ຈະຕ້ອງຮັບມືກັບແນວໂນ້ມທີ່ກຳລັງຈະເກີດຂຶ້ນໃໝ່ ແລະ ຮັກສາແຮງຂັບເຄື່ອນໃນການສົ່ງເສີມການເດີນທາງດ້ວຍພະລັງງານໄຟຟ້າພາຍໃນປະເທດ