ໃນເວລາ 9:00-16:00 ຂອງ ວັນທີ 21 ມີນາ 2018 ທີ່ ມະຫາວິທະຍາໄລແຫ່ງຊາດ ໄດ້ມີການຈັດກອງປະຊຸມພົບປະຊາວຝຣັ່ງໂກໂຟນ ເພື່ອປຶກສາຫາລືກ່ຽວກັບ  ພາສາຝຣັ່ງ ຄືທຸກສິ່ງທຸກຢ່າງຂອງຂ້ອຍສຳລັບອານາຄົດ “Le francais, mon atout pour I’avenir” ເວທີສົນທະນາແລກປ່ຽນປະສົບການຂອງບຸກຄົນທີ່ໃຊ້ພາສາຝຣັ່ງ ແລະ ກອງປະຊຸມໂຕະມົນ.

ໂດຍມີບຸກຄົນທີ່ສຳຄັນເຂົ້າຮ່ວມ ທ່ານ ອຸເດດ ສຸວັນນະວົງ ປະທານ ສະພາການຄ້າ ແລະ ອຸດສາຫະກຳ ແຫ່ງຊາດລາວ, ທ່ານ ນາງ ຈັນທະຈອນ ວົງໄຊ ຮອງປະທານ ສະພາການຄ້າ ແລະ ອຸດສາຫະກຳ ແຫ່ງຊາດລາວ, ທ່ານ ສີນຸກ ສີສົມບັດ ປະທານ ບໍລິສັດ ກາເຟ ສີນຸກ ແລະ ບຸກຄົນທີ່ສຳຄັນຜູ້ອື່ນໆ.

ການພົບປະດັ່ງກ່າວໄດ້ຖືກຈັດຂຶ້ນພາຍໃຕ້ການຮ່ວມມືຂອງມະຫາວິທະຍາໄລແຫ່ງຊາດ, ສະຖານທູດຝຣັ່ງ, ອົງການມະຫາວິທະຍາໄລຝຣັ່ງໂກໂຟນີ, ສະຖາບັນຝຣັ່ງ ແລະ ສູນຝຣັ່ງໂກໂຟນ. ໃນງານດັ່ງກ່າວນີ້ຕອນເຊົ້າແມ່ນໄດ້ມີການຈັດເວທີປຶກສາຫາລືແລກປ່ຽນປະສົບການຂອງບັນດາຜູ້ທີ່ປະສົບຜົນສໍາເລັດໂກໂຟນ ແລະ ໃນຕອນບ່າຍຂອງວັນດຽວກັນໄດ້ຈັດກອງປະຊຸມໂຕະມົນເຊິ່ງບັນດາບຸກຄົນສໍາຄັນຝ່າຍລາວ ລາວທີ່ຮູ້ພາສາຝຣັ່ງຈະໄດ້ມີການແລກປ່ຽນກ່ຽວກັບພາລະບົດບາດຂອງພາສາຝຣັ່ງຕໍ່ກັບຊີວິດປະຈໍາວັນ ແລະ ຕໍ່ການປະຕິບັດວຽກງານຕົວຈິງຂອງເຂົາເຈົ້າ.