ໃນວັນທີ 01 ມີຖຸນາ 2018 ທີ່ ສະພາການຄ້າ ແລະ ອຸດສາຫະກຳ ແຫ່ງຊາດລາວ ໄດ້ຈັດກອງປະຊຸມພົບປະ ລາວ-ຈີນ (ແຂວງໄຫນານ).

ໂດຍການເປັນປະທານ ຂອງ ທ່ານ ພູວົງ ກໍຣະສັກ ຄະນະບໍລິຫານງານ ສຄອ ແຫ່ງຊາດລາວ ແລະ ທ່ານ ນາງ Liang Mina ຕົວແທນຈາກສະມາຄົມສົ່ງເສີມ ແລະ ພັດທະນາເສດຖະກິດຕ່າງປະເທດ ແຂວງໄຫນານ ສປ ຈີນ, ເຊິ່ງບັນດາຄະນະຜູ້ແທນດັ່ງກ່າວ ມີເຈດຈຳນົງພົບປະກັບ ທຸລະກິດຂະແໜງກະສິກຳ ແລະ ອາຫານຂອງລາວ ເພື່ອສຶກສາຫາລືຄວາມເປັນໄປໄດ້ວຽກງານການຮ່ວມມືທາງດ້ານການກະສິກຳ ແລະ ອຸດສາຫະກຳອາຫານ, ເພື່ອເສີມສ້າງສາຍພົວພັນຂອງພາກທຸລະກິດ ລາວ-ຈີນ ໂດຍຕ່າງຝ່າຍຕ່າງໄດ້ຮັບຜົນປະໂຫຍດ.