ໃນຕອນແລງຂອງວັນສຸກ, ວັນທີ 28 ມີນາ 2018 ທີຜ່ານມາ ສະພາການຄ້າ ແລະ ອຸດສາຫະກໍາແຫ່ງຊາດລາວ (LNCCI) ໄດ້ງານລ້ຽງ“ມອບລາງວັນທຸລະກິດອາຊຽນດີເດັ່ນແຫ່ງ ສປປ ລາວ 2018 ” (ASEAN Business Awards Laos 2018)

ທ່ານ ອຸເດດ ສຸວັນນະວົງ ຜູ້ຕາງໜ້າຄົນລາວໃນສະພາທີ່ປຶກສາທຸລະກິດອາຊຽນ ແລະ ທັງເປັນປະທານ ສະພາການຄ້າ ແລະ ອຸດສາຫະກຳ ແຫ່ງຊາດລາວ, ໄດ້ຕ້ອນຮັບ ພະນະ ທ່ານ ສົມດີດວງດີ, ຮອງນາຍົກລັດຖະມົນຕີ, ລັດຖະມົນຕີກະຊວງການເງິນ, ທ່ານ ນາງ ເຂັມມະນີ ພົນເສນາ, ລັດຖະມົນຕີກະຊວງອຸດສາຫະກຳ ແລະ ການຄ້າ, ທ່ານ Jens Peter Luetkenherm ເອກອັກຄະລັດຖະທູດສະຫະພັນເຢຍລະມັນ ແລະ ບັນດາຜູ້ຊົງກຽດຈາກບັນດາທຸລະກິດລາວ, ນັກການທູດປະຈຳລາວ ແລະ ຜູ້ສື່ຂ່າວ ລວມເຖິງບັນດານັກທຸລະກິດ ທີ່ ຊະນະເລີດໄດ້ຮັບ ລາງວັນທຸລະກິດອາຊຽນດີເດັ່ນແຫ່ງ ສປປ ລາວ 2018 ” (ASEAN Business Awards Laos 2018).

ທ່ານ ອຸເດດ ສຸວັນນະວົງ ປະທານສະພາການຄ້າ ແລະ ອຸດສາຫະກໍາແຫ່ງຊາດລາວ ກ່າວວ່າ ຈຸດປະສົງຕົ້ນຕໍຂອງການຈັດງານມອບລາງວັນທຸລະກິດອາຊຽນ ແຫ່ງສປປລາວ (ABA Laos) ລາວແມ່ນເພື່ອຮັບຮູ້ວິສາຫະກິດທີ່ມີຊື່ສຽງໃນລາວທີ່ມີຄວາມຄິດສ້າງສັນ ແລະ ຕອບສະຫນອງຕໍ່ຄວາມຕ້ອງການຂອງຕະຫຼາດລາວ ໄດ້ເນັ້ນໃຫ້ເຫັນວ່າຜູ້ຊະນະໃນຄືນນີ້ມີຄວາມພ້ອມທີ່ຈະແຂ່ງຂັນບໍ່ພຽງແຕ່ຢູ່ໃນປະເທດລາວເທົ່ານັ້ນແຕ່ລວມເຖິງໃນລະດັບພາກພື້ນອີກດ້ວຍ.

ນອກນີ້ຍັງເປັນການສົ່ງເສີມສ້າງຄວາມເຂັ້ມແຂງໃຫ້ແກ່ຫົວໜ່ວຍທຸລະກິດໃນແຕ່ລະຂະແໜງການ ແລະ ເພື່ອຍ້ອງຍໍຊົມເຊີຍຜູ້ທີ່ມີຜົນງານດີເດັ່ນປະກອບສ່ວນເຂົ້າໃນການສ້າງສາ ແລະ ພັດທະນາປະເທດຊາດໃຫ້ຈະເລີນກ້າວໜ້າ. ງານລາງວັນນີ້ແມ່ນຢູ່ພາຍໃຕ້ກອບວຽກລະດັບພາກພື້ນທີ່ເອີ້ນວ່າ ກອງປະຊຸມສຸດຍອດທຸລະກິດ ແລະ ການລົງທຶນອາຊຽນ ແລະ ການຈັດງານທຸລະກິດດີເດັ່ນ ອາຊຽນ, ບັນດາວຽກງານເຫລົ່ານີ້ແມ່ນຈະຢູ່ພາຍໃຕ້ການຊີ້ນໍາ ແລະ ຈັດຕັ້ງປະຕິບັດໂດຍສະພາທີ່ປຶກສາທຸລະກິດ ອາຊຽນ (ASEAN BAC). ABA Laos 2018 ເປີດກວ້າງຕໍ່ສະມາຊິກ ສຄອ ແຫ່ງຊາດລາວ ແລະ ທຸກໆຫົວໜ່ວຍທຸລະກິດໃນລາວ ທີ່ລົງທະບຽນຖືກຕ້ອງຕາມກົດໝາຍ, ບໍ່ວ່ານ້ອຍ ຫຼື ໃຫຍ່ ກໍ່ສາມາດສົ່ງເຂົ້າມາສະໝັກຊິງລາງວັນໃນຂະແໜງການຕ່າງໆໄດ້.

ໃນປີນີ້ປະເພດຂອງ ABA Laos ທີ່ກໍານົດໄວ້ແມ່ນສອດຄ່ອງກັບຄວາມຕ້ອງການຂອງລາງວັນທຸລະກິດອາຊຽນ 2018 (ASEAN Business Award 2018) ທີ່ຈະຈັດຂຶ້ນໃນສິງຄະໂປຕໍ່ມາໃນເດືອນພະຈິກປີ 2018. ນອກຈາກນັ້ນ, ຕົວແທນຄະນະຜູ້ຕາງຫນ້າຂອງສະຖາບັນການສຶກສາລາວ ແລະ ພາກທຸລະກິດໄດ້ຮ່ວມມືກັບບໍລິສັດ KPMG ຮັບປະກັນຄວາມໂປ່ງໃສ, ຄວາມຍຸຕິທໍາ ແລະ ຄວາມເປັນມືອາຊີບເຂົ້າໃນຂະບວນການຄັດເລືອກ ແລະ ຕັດສິນຜູ້ຊະນະເລີດໄດ້ຮັບລາງວັນ.

ເຊິ່ງ ທ່ານ ລັດຖະມົນຕີກະຊວງອຸດສາຫະກຳ ແລະ ການຄ້າ ໄດ້ເນັ້ນຫນັກກ່ຽວກັບຄວາມສໍາຄັນຂອງເວທີດັ່ງກ່າວນີ້ໃນການສົ່ງເສີມຄວາມຫມັ້ນໃຈໃຫ້ແກ່ຜູ້ປະກອບການ SMEs ລາວທີ່ໄດ້ປະສົບຜົນສໍາເລັດໃນການເຮັດທຸລະກິດທີ່ຫນ້າເຊື່ອຖື ແລະ ມີຄວາມຮັບຜິດຊອບໃນ ສປປ ລາວ. ການຮັບຮູ້ມາດຕະຖານສູງດັ່ງກ່າວຈະເຮັດໃຫ້ທຸລະກິດລາວມີຄວາມຫນ້າເຊື່ອຖືຫຼາຍ ແລະ ຈະກາຍເປັນຂົງເຂດທີ່ມີຄວາມຫມັ້ນໃຈໃນການນໍາໃຊ້ສະມາຄົມເສດຖະກິດອາຊຽນຢ່າງເຕັມສ່ວນ.

ພາຍໃນງານລ້ຽງມອບລາງວັນໃນຄັ້ງນີ້, ທ່ານ ທະນົງສິນ ກັນລະຍາ ຮອງປະທານ ສຄອຊ ໄດ້ນໍາສະເຫນີວິດີໂອກ່ຽວກັບ ABA Laos 2018 ທີ່ເອີ້ນວ່າ “ເສັ້ນທາງສູ່ຄວາມສໍາເລັດ” ໄດ້ສະແດງໃຫ້ເຫັນປະສົບການທີ່ຫນ້າຊື່ນຊົມຂອງຜູ້ຊະນະເລີດໄດ້ຮັບລາງວັນທີ່ຜ່ານມາຈາກລາວໃນງານມອບລາງວັນທຸລະກິດ ASEAN 2017 ໃນຟີລິບປິນ. ການເຂົ້າຮ່ວມຂອງພາກທຸລະກິດລາວໃນງານມອບລາງວັນທຸລະກິດອາຊຽນໄດ້ຮັບຜົນສໍາເລັດໃນແງ່ການເພີ່ມທະວີການເບິ່ງເຫັນ ແລະ ຕິດຕໍ່ທຸລະກິດໃຫມ່ທີ່ມີຄຸນຄ່າກັບທຸລະກິດຈາກບັນດາປະເທດສະມາຊິກອາຊຽນ ແລະ ອື່ນໆ.

ສະຫລຸບຈຳນວນປະເພດລາງວັນສຳຄັນໆ

1. ຈຳນວນສາຂາລາງວັນ

• ມີທັງຫມົດ 5 ສາຂາລາງວັນໃຫຍ່

1. ສາຂາລາງວັນວັນຂະແໜງບູລິມະສິດດີເດັ່ນ (Lao Priority Integration Sectors Excellence Awards)

ໃນນີ້ມີທັງຫມົດ 10 ສາຂາລາງວັນ ເຊັ່ນ: ຂະແໜງ ICT, ທ່ອງທ່ຽວ, ຜະລິດຕະພັນໄມ້, ແຜ່ນແພ, ກະສິກຳ, ພື້ນຖານໂຄງລ່າງ, ພະລັງງານ, ດ້ານຫັດຖະກຳ, ຂົນສົ່ງ ແລະ ການຄ້າຂາຍຍົກ/ຂາຍຍ່ອຍ

2. ສາຂາລາງວັນ ທຸລະກິດ SME ດີເດັ່ນ (SME Excellence Awards)

ໃນນີ້ມີທັງຫມົດ 4 ສາຂາລາງວັນ ເຊັ່ນ:​ 1. ສາຂາລາງວັນການປະກອບສ່ວນຕໍ່ສັງຄົມ (CSR), 2. ດ້ານການຂະຫຍາຍໂຕຂອງທຸລະກິດດີເດັ່ນ (SME Growth), 3. ດ້ານການຈ້າງງານດີເດັ່ນ (SME Employment), 4. ດ້ານນະວັດຕະກຳດີເດັ່ນ (SME Innovation).

3. ສາຂາລາງວັນພິເສດ (Special Awards)

ໃນນີ້ມີທັງຫມົດ 4 ສາຂາລາງວັນດີເດັ່ນເຊັ່ນ:​ 1. ສາຂາຜູ້ປະກອບການໜຸ່ມດີເດັ່ນ (Young Entrepreneur), 2. ຜູ້ປະກອບການຍິງດີເດັ່ນ (Women Entrepreneur), 3. ສາຂາລາງວັນເພື່ອນມິດ ສປປ ລາວ (Friend of Laos), 4. ທຸລະກິດລິເລີ່ມດີເດັ່ນ (SME Start-Up).

4. ສາຂາລາງວັນທຸລະກິດດີເດັ່ນຂັ້ນແຂວງ (Promising Provincial participation) ເພື່ອເປັນການຍ້ອງຍໍຜູ້ປະກອບການຂັ້ນແຂວງຂອງແຕ່ລະພາກ.

ໃນນີ້ມີທັງຫມົດ 3 ສາຂາລາງວັນດີເດັ່ນເຊັ່ນ:​

1. ສາຂາຜູ້ປະກອບການທີ່ມີທ່າແຮງດີເດັ່ນຈາກແຂວງພາກເໜືອ 1 ລາງວັນ (Promising Entrepreneurs Award)
2. 2. ຜູ້ປະກອບການຍິງທີ່ມີທ່າແຮງດີເດັ່ນຈາກແຂວງ ພາກໄຕ້ 1 ລາງວັນ (Promising Women Entrepreneurs Award),
3. ຜູ້ປະກອບການໜຸ່ມທີ່ມີທ່າແຮງດີເດັ່ນພາກກາງ 1 ລາງວັນ (Promising Young Entrepreneurs)

5. ສາຂາລາງວັນທຸລະກິດຂະໜາດໃຫ່ຍດີເດັ່ນ (Large Enterprise Excellence Award) 01

ລາງວັນ.

ຮູບອື່ນໆ ==>>https://www.facebook.com/pg/LNCCI/photos/?tab=album&album_id=499211410546046