ງານ The 12th Mekong-ROK Business Forum ພາຍໃຕ້ຫົວຂໍ້ “Capacity Building of SMEs to Enhance Connectivity in the Mekong Region’’ ວັນທີ 20 ສິງຫາ 2024, ທີ່ໂຮງແຮມ ຄຣາວພາຊາ.

ທ່ານ ທະນົງສິນ ກັນລະຍາ, ຮອງປະທານ ສະພາການຄ້າ ແລະ ອຸດສາຫະກຳ ແຫ່ງຊາດລາວ (ສຄອຊ) ໃຫ້ກຽດເຂົ້າຮ່ວມກອງປະຊຸມໃນຄັ້ງນີ້ ແລະ ໃຫ້ກຽດ ກ່າວເປີດກອງປະຊຸມໂດຍທ່ານ ບຸນເຫຼືອ ພັນດານຸວົງ, ຮອງລັດຖະມົນຕີ ກະຊວງການຕ່າງປະເທດ, ທ່ານ Chung Byung-won, ຮອງລັດຖະມົນຕີກະຊວງການຕ່າງປະເທດ ສ. ເກົາຫລີ, ທ່ານ Sang-hyeon JO, ປະທານສະຖາບັນການຄ້າສາກົນສະມາຄົມການຄ້າສາກົນເກົາຫຼີ (KITA)
ຈຸດປະສົງຂອງການຈັດງານກອງປະຊຸມໃນຄັ້ງນີ້ແມ່ນເພື່ອສ້າງຄວາມອາດສາມາດໃຫ້ແກ່ SMEs ເພື່ອເພີ່ມທະວີການເຊື່ອມຕໍ່ໃນພາກພື້ນແມ່ນ້ຳຂອງ
ໃນຕອນບາຍຂອງວັນດຽວກັນນັ່ນ ສະພາການຄ້າ ແລະ ອຸດສາຫະກຳ ແຫ່ງຊາດລາວ (ສຄອຊ) ຮ່ວມກັບສະຖາບັນການຄ້າສາກົນ ສະມາຄົມການຄ້າສາກົນເກົາຫຼີ (KITA) ໄດ້ຈັດງານthe 12th ROK-Mekong B2B Business Meeting ໂດຍມີທ່ານ ປອ. ໄຊບັນດິດ ຣາຊພົນ, ຮອງປະທານ ສຄອຊ ເຂົ້າຮ່ວມເປັນຜູ້ສັງເກດການ. ເຊິງຈຸດປະສົງຂອງງານພົບປະໃນຄັ້ງນີ້ແມ່ນເພື່ອຍົກລະດັບການພົວພັນຮ່ວມມືຂອງພາກທຸລະກີດຂອງບັນດາປະເທດພາກພື້ນລຸ່ມແມ່ນ້ຳຂອງ ແລະ ສ. ເກົາຫຼີຜ່ານການນຳສະເໜີສິນຄ້າຂອງບັນດາບໍລິສັດເກົາຫຼີ ແລະ ການແລກປ່ຽນຂໍ້ມູນເຊິ່ງກັນ ແລະ ກັນຂອງພາກທຸລະກິດ. ເຊິ່ງມີບໍລິສັດຈາກປະເທດເກົາຫຼີເຂົ້າຮ່ວມທັງໝົດ 8 ບໍລິສັດ, ບໍລິສັດລາວເຂົ້າຮ່ວມທັງໝົດ 15 ບໍລິສັດ, ຈາກປະເທດຫວຽດນາມ 6 ບໍລິສັດ ແລະ 3 ບໍລິສັດຈາກປະເທດ ໄທ, ກຳປູເຈຍ ແລະ ມຽນມາ.