ໃນຕອນແລງຂອງ ວັນທີ 15/2/2018 ໄດ້ມີ ພິທີເປີດງານວາງສະແດງ ຜະລິດຕະພັນ ໄທ (ອຸດຕະລາດິດ)-ລາວ ຢ່າງເປັນທາງການ, ໂດຍການເປັນປະທານ ຂອງ ທ່ານ ນາງ ຈັນທະຈອນ ວົງໄຊ ຮອງປະທານ ສະພາການຄ້າ ແລະ ອຸດສາຫະກຳແຫ່ງຊາດລາວ ( ຝ່າຍລາວ)  ແລະ ທ່ານ ສຸມິດ ເກີດກໍາ ຮອງຜູ້ວາລາດສະການ ຈັງຫັວດ ອຸດຕະລາດິດ (ຝ່າຍໄທ)

ໃຫ້ກຽດເຂົ້າຮ່ວມເປັນປະທານຮ່ວມມີ:  ທ່ານ ໄພວັນ ປະຖໍາມະວົງ ຫົວໜ້າ ພະແນກ ສົ່ງເສີມການຕະຫຼາດ,ກົມສົ່ງເສີມການຄ້າ, ກະຊວງ ອຸດສາຫະກຳ ແລະ ການຄ້າ, ແລະ ທ່ານ ສັງຄົມ ຈັນສຸກ ປະທານ ສະພາການຄ້າ ແລະ ອຸດສາຫະກຳ ນະຄອນຫຼວງ (ຝ່າຍລາວ), ທ່ານ ໄພສານ ສຸກປັນຍາ  ຜູ້ກວດລາດສະການ, ກົມພັດທະນາຊຸມຊົນ, ກະຊວງ ມະຫາດໄທ, ທ່ານ ຊົງພົນ ວິໄຊຂັດຄະ ພັດທະນາຊຸມຊົນຈັງຫວັດ, ທ່ານ ຊົງພົນ ວິໄຊຂັດຄະ ພັດທະນາຊຸມຊົນຈັງຫວັດ ທ່ານ ນາງ ຍາ​ນີ ສີ​ມີ​ໄຊ ທູດ​ທີ​ປືກສາ ຝ່າຍ​ການ​ຄ້າ ຣາຊະ​ອານາຈັກ​ໄທ ປະຈຳ ສປປ ລາວ

ງານດັ່ງກ່າວຈັດໂດຍ ສະພາການຄ້າ ແລະ ອຸດສາຫະກຳແຫ່ງຊາດລາວ ຮ່ວມກັບ ພັດທະນາຊົມຊົນຈັງຫັວດ ອຸດຕະລາດິດ, ໂດຍມີ ບໍລິສັດໄທ (ອຸດຕະລາດິດ) ແລະ ບໍໍລິສັດລາວ, ສິນຄ້າທີ່ນໍາມາວາງສະແດງໃນຄັ້ງນີ້ມີ, ປະເພດອາຫານ, ເຄື່ອງດື່ມ, ຫັດຖະກໍາໄມ້, ຫັດຖະກໍາຜ້າໄໝ-ຜ້າຝ້າຍ. ງານດັ່ງກ່າວຈະດໍາເນີນໄປ 5 ວັນເລີ່ມແຕ່ ວັນທີ 14-18/02/2018.