ສະພາການຄ້າ ແລະ ອຸດສາຫະກຳແຫ່ງຊາດລາວ (ສຄອຊ) ຈະໄດ້ຈັດງານຜະລິດຕະພັນລາວ 2020 (Made in Laos 2020) ໃນລະຫວ່າງວັນທີ 25 ທັນວາ 2020 ຫາ 03 ມັງກອນ 2021 ທີ່ ສູນວາງສະແດງສິນຄ້າ ລາວ-ໄອເຕັກ

ເພື່ອເປັນການສົ່ງເສີມຜະລິດຕະພັນລາວ ກະຕຸກຊຸກຍູ້ຜູ້ປະກອບການ ແລະ ຊ່ວຍຟື້ນຟູເສດຖະກິດທີ່ໄດ້ຮັບຜົນກະທົບຈາກພະຍາດ COVID-19. ນອກຈາກນີ້, ຍັງເປັນການເປີດໂອກາດໃຫ້ບັນດາຫົວໜ່ວຍທຸລະກິດໄດ້ມີເວທີໃນການໂຄສະນາສິນຄ້າ ແລະ ເປີດໂຕຜະລິດຕະພັນໃໝ່ໆຂອງບໍລິສັດອີກດ້ວຍ.

ໃນຕອນເຊົ້າຂອງວັນທີ 07 ທັນວາ 2020 ທີ່ ສະພາການຄ້າ ແລະ ອຸດສາຫະກຳແຫ່ງຊາດລາວ. ທະນາຄານ ຫວຽດຕິນ ລາວ ຈຳກັດ ໄດ້ມອບເງີນ ສະໜັບສະໜູນງານ ຜະລິດຕະພັນລາວ 2020 ( Made in Laos 2020)  ເປັນຈໍານວນເງິນ 15,000,000ກີບ ເພື່ອປະກອບສ່ວນ ເປັນສ່ວນຫນຶ່ງໃນການສົ່ງເສີມຜະລິດຕະພັນລາວ. ພິທີດັ່ງກ່າວເຂົ້າຮ່ວມ ແລະ ມອບໂດຍ ທ່ານ ເລ ກ໋ວກ ນາມ ຜູ້ອຳນວຍການ ທະນາຄານ ຫວຽດຕິນ ລາວ ຈຳກັດ ແລະ ຮັບໂດຍ ທ່ານ ດາວວອນ ພະຈັນທະວົງ, ຮອງປະທານ ສະພາການຄ້າ ແລະ ອຸດສາຫະກຳແຫ່ງຊາດລາວ.