ກອງປະຊຸມຝຶກອົບຮົມ ເພື່ອສ້າງຂິດຄວາມສາມາດ ໃຫ້ນັກພັດທະນາ ແລະ ສ້າງມາດຕະຖານອາຊີບ, ຄັ້ງທີ II, ເຊິ່ງຈັດຂື້ນໃນວັນທີ 25-31 ມັງກອນ 2023 ທີ່ ໂຮງແຮມຝຶກປະຕິບັດ ວິທະຍາໄລເຕັກນິກແຂວງວຽງຈັນ (ວິທະຍາເຂດວັງວຽງ), ແຂວງວຽງຈັນ.

ທ່ານ ນາງ ຄອນສະຫວັນ ຈັນທະວົງ ຫົວໜ້າສູນບໍລິການ ອາຊີວະສຶກສາແບບຄວບຄູ່ (DCT SC), ສະພາການຄ້າ ແລະ ອຸດສາຫະກໍາແຫ່ງຊາດລາວ (ສຄອຊ) ພ້ອມພະນັກງານວິຊາການ ໄດ້ເຂົ້າຮ່ວມ “ຝຶກອົບຮົມເພື່ອສ້າງຂີດຄວາມສາມາດ ໃຫ້ນັກພັດທະນາ ແລະ ສ້າງມາດຕະຖານອາຊີບ” ທີ່ຈັດຂຶ້ນໂດຍກົມອາຊີວະສຶກສາ, ກະຊວງສຶກສາທິການ ແລະ ກິລາ, ທີ່ຮັບການສະໜັບສະໜູນຈາກ ໂຄງການ VELA2, ໂດຍມີຜູ້ເຂົ້າຮ່ວມປະມານ 30 ກວ່າທ່ານ ຈາກຜູ້ຕາງໜ້າໂຄງການ VELA2, ສະຖາບັນອາຊີວະສຶກສາ, ສະພາການຄ້າ ແລະ ອຸດສາຫະກຳແຫ່ງຊາດລາວ, ຕາງໜ້າຈາກວິທະຍາໄລເຕັກນິກວິຊາຊີບ ໃນຂະແໜງກະສິກຳ ແລະ ຂະແໜງລົດຍົນ ແລະ ສະຖານປະກອບການຂະ ແໜງກະສິກຳ ແລະ ຂະແໜງລົດຍົນ.

ຈຸດປະສົງ ການຝຶກອົບຮົມໃນຄັ້ງນີ້ແມ່ນເພື່ອສ້າງຂີດຄວາມສາມາດໃນການພັດທະນາ ແລະ ການສ້າງມາດຕະຖານອາຊີບ ດ້ວຍການຄົ້ນຄ້ວາບາດກ້າວໃນການຕອບຄຳຖາມ ແລະ ແລກປ່ຽນສົນທະນາ ຂໍ້ມູນກ່ຽວກັບມາດຕະຖານອາຊີບ, ໜ້າວຽກຫຼັກ, ໜ້າວຽກຍ່ອຍ. ກອງປະຊຸມການຝືກອົບຮົມດັ່ງກ່າວໄດ້ດຳເນີນ ເປັນເວລາ 5 ວັນ.