ກອງປະຊຸມພາຍໃນປັບປຸງສະມາຄົມທຸລະກິດການຢາ ແລະ ຜະລິດຕະພັນການແພດ ຈັດຂຶ້ນໃນວັນທີ 30 ມັງກອນ 2023, ເວລາ 10:00-12:00 ໂມງ, ທີ່ ສະພາການຄ້າ ແລະ ອຸດສາຫະກຳແຫ່ງຊາດລາວ,

ທ່ານ ປອ ນາງ ວາລີ ເວດສະພົງ ຮອງປະທານ ສຄອຊ ພ້ອມທັງເປັນຮັກສາການ ປະທານ ສະມາຄົມທຸລະກິດການຢາ ແລະ ຜະລິດຕະພັນການແພດ ໃຫ້ກຽດເປັນປະທານໃນກອງປະຊຸມ ຮ່ວມກັບ ທ່ານ ປອ ບຸນຊູ ແກ້ວຫາວົງ ຫົວໜ້າກົມອາຫານ ແລະ ຢາ, ກະຊວງສາທາລະນະສຸກ, ພ້ອມດ້ວຍຄະນະຮອງປະທານຂອງສະມາຄົມ, ບັນດາບໍລິສັດການຢາ, ທ່ານ ຮອງເລຂາທິການ ສຄອຊ ແລະ ວິຊາການຈາກ ພະແນກພັດທະນາອົງກອນທຸລະກິດ, ສະມາຊິກ ແລະ ຂໍ້ມູນຂ່າວສານ. ເຊິງຈຸດປະສົງຫຼັກຂອງກອງປະຊຸມແມ່ນເພື່ອປຶກສາຫາລື, ຂໍທິດຊີ້ນຳ, ສົນທະນາວາງແຜນການຈັດກອງປະຊຸມໃຫ່ຍຂອງສະມາຄົມທຸລະກິດການຢາ ແລະ ຜະລິດຕະພັນການແພດ, ຮຽກປະຊຸມສະມາຊິກທີ່ເປັນເປົ້າໝາຍ, ສ້າງນິຕິກຳຂອງສະມາຊິກ, ຄ່າບຳລຸງສະມາຊິກ ແລະ ລະບຽບການຕ່າງໆ, ໂຄງຮ່າງການຈັດຕັ້ງ, ການເງິນ ແລະ ແຜນວຽກງານອື່ນໆຂອງສະມາຄົມທຸລະກິດການຢາ ແລະ ຜະລິດຕະພັນການແພດ