ກອງປະຊຸມກະກຽມການຈັດກອງປະຊຸມສຸດຍອດທຸລະກິດ ແລະ ການລົງທຶນ ຈີນ-ອາຊຽນ, China-ASEAN Business and Investment Summit (CABIS) ຄັ້ງທີ່ 21, ໃນວັນທີ 09-11 ກໍລະກົດ 2024, ທີ່ ນະຄອນໜານໜິງ, ແຂວງກ່ວາງຊີ ສປ ຈີນ.

ທ່ານ ທະນົງສິນ ກັນລະຍາ, ຮອງປະທານສະພາການຄ້າ ແລະ ອຸດສາຫະກຳ ແຫ່ງຊາດລາວ ພ້ອມດ້ວຍຄະນະ ໄດ້ເຂົ້າຮ່ວມກອງປະຊຸມກະກຽມການຈັດກອງປະຊຸມສຸດຍອດທຸລະກິດ ແລະ ການລົງທຶນ ຈີນ-ອາຊຽນ, China-ASEAN Business and Investment Summit (CABIS) ຄັ້ງທີ່ 21, ທີ່ຈະຈັດຂື້ນໃນວັນທີ 16-20 ກັນຍາ 2024 ທີ່ຈະມາເຖີງນີ້

ຈຸດປະສົງຂອງການເຂົ້າຮ່ວມກອງປະຊຸມໃນຄັ້ງນີ້ແມ່ນເພື່ອປຶກສາຫາລືຖອດຖອນບົດຮຽນກອງປະຊຸມ CABIS ຄັ້ງທີ 20 ໃນປີຜ່ານມາ ແລະ ວາງແຜນໃນການຈັດກອງປະຊຸມຄັ້ງທີ 21 ພ້ອມດຽວກັນນັ້ນ ຍັງໄດ້ປຶກສາຫາລືລົງນາມສ້າງຕັ້ງ ສະພາທຸລະກິດ ຈີນ ອາຊຽນ (China-ASEAN Business Council-CABC) ເພື່ອເປັນກົນໄກສົ່ງເສີມກາານຮ່ວມມືທຸລະກິດ ຈີນ-ອາຊຽນ ໂດຍສະເພາະແມ່ນການຊຸກຍູ້ສົ່ງເສີມການເຊື່ອມໂຍງເສດຖະກິດໃນພາກພື້ນ, ເປີດກ້ວາງຕ່ອງໂສ້ການຮ່ວມມືທາງດ້ານອຸດສາຫະກຳການຄ້າ, ການລົງທຶນ, ການທ່ອງທ່ຽວ ແລະ ຜັນຂະຫຍາຍກອບການຮ່ວມມືເຊີງກັນ ແລະ ກັນຕາມ “ໜຶ່ງແລວໜຶ່ງເສັ້ນທາງ” ໃຫ້ມີໃສມໜ້າໃໝ່ ແລະ ປະສົບຜົນສຳເລັດທີ່ຍິ່ງໃຫຍ່ກ່ວາເກົ່າ, ໂດຍຕ່າງຝ່າຍຕ່າງໄດ້ຮັບຜົນປະໂຫຍດສູງສຸດ, ກອງປະຊຸມໃນຄັ້ງນີ້ ໃຫ້ກຽດເຂົ້າຮ່ວມໂດຍ ທ່ານ Tan Pichuang, ຮອງເຈົ້າແຂວງກວ່າງຊີ, ສປ ຈີນ, ທ່ານ Zhang Shaogang, ຮອງປະທານ ສະພາສົ່ງເສີມການຄ້າສາກົນ ສປ ຈີນ (CCPIT), ບັນດາຮອງປະທານສະພາການຄ້າ ແລະ ອຸດສາຫະກຳຈາກບັນດາປະເທດ ອາຊຽນ ພ້ອມຄະນະ ແລະ ຫົວໜ່ວຍທຸລະກິດຈີນ ລວມທັງໝົດ 50 ກວ່າທ່ານ

.