ໃນໂອກາດຄັ້ງນີ້ ທ່ານ ທະນົງສິນ ກັນລະຍາ, ຮອງປະທານ ສຄອຊ ໄດ້ສະແດງຄວາມຍີນດີ ແລະ ຊົມເຊີຍຕໍ່ກັບການເດີນທາງມາຢ້ຽມຢາມ ແລະ ເຮັດວຽກຮ່ວມກັນ ກັບ ກະຊວງ ການຄ້າ ສປ ຈີນ, ກໍ່ຄືກົມການຄ້າຕ່າງປະເທດ, ເຊິ່ງການພົບປະແລກປ່ຽນໃນຄັ້ງນີ້ຈະເປັນບາດກ້າວອັນສຳຄັນຕໍ່ກັບການບຸກທະລຸໃນການຊຸກຍູ້ສົ່ງເສີມສາຍພົວພັນຮ່ວມມື ລາວ-ຈີນ ຂື້ນເປັນຄູ່ຮ່ວມຍຸດທະສາດຮອບດ້ານ ແລະ ຮັດແໜ້ນສາຍພົວພັນຮ່ວມມືສອງຝ່າຍ ກໍຄືການສົ່ງເສີມການຮ່ວມມື ທາງດ້ານ ການຄ້າ-ການລົງທືນ ນອກຈາກນີ້ພາຍໃນກອງປະຊຸມທັງສອງຝ່າຍຍັງແລກປ່ຽນລົງເລິກກ່ຽວກັບຂະແໜງການການຂົນສົ່ງນຳເຂົ້າ-ສົ່ງອອກ, ໄຟຟ້າ, ບໍ່ແຮ່, ການຢາ, ກະສິກຳ ແລະ ອຸດສາຫະກໍາການຜະລິດເປັນສິນຄ້າອື່ນໆ… ໃຫ້ນັບມື້ນັບຂະຫຍາຍຕົວຢ່າງມີປະສິດທິພາບ ແລະ ປະສິດທິຜົນ ບົນພື້ນຖານ ຕ່າງຝ່າຍຕ່າງໄດ້ຮັບຜົນປະໂຫຍດ.