ໃນວັນທີ 14 ພຶດສະພາ 2018 ທີ່ ຫ້ອງການ ສຄອຊ ໄດ້ຈັດກອງປະຊູມເຜີຍແຜ່ ແລະ ປຶກສາຫາລືກ່ຽວກັບແຜນຍຸດທະສາດ 3 ປີ ຂອງ ສະພາການຄ້າ ແລະ ອຸດສາຫະກຳ ແຫ່ງຊາດລາວ

ໂດຍການເປັນປະທານຂອງ ທ່ານ ອຸເດດ ສຸວັນນະວົງ ປະທານ ສຄອຊ ,ທ່ານ Murali BALASUBRAMANIAM ຮອງຜູ້ຕາງໜ້າ ອົງການສະຫະປະຊາຊາດເພື່ອການພັດທະນາ (UNDP) ແລະ ທ່ານ H.E. Mr. Jens Peter Lutkenhern ເອກອັກຄະລະຊະທູດເຢຍລະມັນ ປະຈຳ ສປປ ລາວ. ໂດຍມີແຂກເຂົ້າຮ່ວມຈາກຫລາຍພາກສ່ວນ ທັງພາກລັດຖະບານ ໂດຍສະເພາະແມ່ນບັນດາອົງການຈັດຕັ້ງສາກົນ ແລະ ສະຖານທູດໃນ ສປປ ລາວ.

ຈຸດປະສົງຂອງກອງປະຊຸມແມ່ນ ເພື່ອເຜີຍແຜ່, ປຶກສາຫາລື ແລະ ແລກປ່ຽນຄຳຄິດເຫັນກ່ຽວກັບ ແຜນຍຸດທະສາດ 3 ປີ 2018-2020 ຂອງສະພາການຄ້າ ແລະ ອຸດສາຫະກຳ ແຫ່ງຊາດລາວ ເພື່ອເປັນການພັດທະນາ ແລະ ເສີມສ້າງຄວາມອາດສາມາດຂອງທຸລະກິດລາວ ໃຫ້ມີຄວາມເຂັ້ມແຂງໃນການດຳເນີນທຸລະກິດ, ການຜະລິດ ແລະ ເພື່ອໃຫ້ບັນລຸເປົ້າໝາຍຂອງການພັດທະນາເສດຖະກິດແບບຍືງຍົງ. ເຊິ່ງໃນແຜນຍຸດທະສາດປະກອບມີ 4 ເສົາຄໍ້າຄື:

1. Enabling Business Environment
2. Service provision for Business in Lao PDR
3. Lao Product Promotion and Marketing
4. Information System Management and Public Relation (PR)