ໃນຕອນບ່າຍຂອງວັນທີ 6 ຕຸລາ 2021, ບັນດາທ່ານຄະນະບໍລິຫານງານ, ບັນດາທ່ານສະມາຊິກສະພາການຄ້າແລະອຸດສາຫະກຳນະຄອນຫຼວງວຽງຈັນ ຮ່ວມກັບ ສະພາການຄ້າແລະອຸດສາຫະກຳເມືອງຫາດຊາຍຟອງ , ເມືອງນາຊາຍທອງ , ເມືອງໄຊເສດຖາ ແລະ ເມືອງສີໂຄດຕະບອງໄດ້ຮ່ວມຈິດຮ່ວມໃຈກັນປະກອບສ່ວນເງີນສົດ, ຢາພື້ນເມືອງລາວ, ນ້ຳດື່ມ ແລະ ໝີ່ສຳເລັດຮູບ ລວມເປັນມູນຄ່າ 34.650.000 ກີບ ໄປມອບໃຫ້ແກ່ ກອງບັນຊາການປ້ອງກັນຄວາມສະຫງົບນະຄອນຫລວງວຽງຈັນເພື່ອຊ່ວຍເຫລືອເຈົ້າໜ້າທີ່ ປກສ ຊື່ງກຳລັງປະຕິບັດໜ້າທີ່ດ່ານໜ້າ,ບ່ອນທີ່ມີຄວາມສ່ຽງຕໍ່ການຕິດພະຍາດ COVID-19 ຊື່ງຕາງໜ້າໃຫ້  ສຄອ.ນວກ່າວມອບໂດຍທ່ານ ປອ.ຄຳຫລ້າ ນາກຄະວົງ ຮອງປະທານ,ຜູ້ປະຈຳການ ສຄອ.ນວແລະຕາງໜ້າໃຫ້ ກອງບັນຊາການ ປກສ.ນວ ກ່າວຮັບໂດຍ ທ່ານ ພັນເອກ ພູພອນ ວົງພະໄຕ ຮອງຫົວໜ້າກອງບັນຊາການ ປກສ ນະຄອນຫຼວງວຽງຈັນ.

ນັບຕັ້ງແຕ່ເລີ້ມມີການແຜ່ລະບາດຂອງພະຍາດ COVID-19 ຄະນະບໍລິຫານງານ ກໍ່ຄື ສະມາຊິກສະພາການຄ້າແລະອຸດສາຫະກຳນະຄອນຫຼວງວຽງຈັນ ສຄອ.ນວ , ສຄອເມືອງ ຕ່າງກໍ່ໄດ້ສະລະວັດຖຸປັດໃຈປະກອບສ່ວນຊ່ວຍເຫລືອໃຫ້ພາກສ່ວນຕ່າງໆ ໃນ ນະຄອນຫຼວງວຽງຈັນ ເລື້ອຍມາຈົນເຖີງປະຈຸບັນ.