ໂດຍອີງຕາມຮອບມຸນວຽນການເປັນປະທານອາຊຽນ ກໍຄືພາກລັດຖະບານ ແລະ ທາງພາກທຸລະກິດກໍຄື ສະພາການຄ້າ ແລະ ອຸດສາຫະກຳ ແຫ່ງຊາດລາວ ກໍຖືກຮອບມຸນວຽນໃນການປະທານ ສະພາທີ່ປຶກສາທຸລະກິດອາຊຽນ ປະຈຳປີ 2024 ແລະ ໃນໄລຍະການຈັດກອງປະຊຸມສຸດຍອດຜູ້ນຳອາຊຽນ ຂອງພາກລັດຖະບານ ໃນເດືອນ ຕຸລາ 2024 ນີ້, ສະພາທີ່ປຶກສາທຸລະກິດອາຊຽນ 2024 ພ້ອມດ້ວຍຄະນະກໍຈະໄດ້ເປັນເຈົ້າພາບຈັດກອງປະຊຸມສຸດຍອດທຸລະກິດ ແລະ ການລົງທຶນອາຊຽນ 2024 (ASEAN Business and Investment Summit 2024).

ເຊິ່ງຈະໄດ້ຈັດຂື້ນຢ່າງເປັນທາງການໃນລະຫວ່າງວັນທີ 8-11 ຕຸລາ 2024, ທີ່ ໂຮງແຮມເເລນມາກ, ນະຄອນຫຼວງວຽງຈັນ ໂດຍເເມ່ນຈັດຄຽງຄູ່ກັບການເປັນປະເທດເຈົ້າພາບໃນການຈັດກອງປະຊຸມສຸດຍອດອາຊຽນ, ເຊິ່ງກອງປະຊຸມຄັ້ງນີ້ຈະໄດ້ເຊື້ອເຊີນນໍາເອົາຜູ້ນໍາຂອງໂລກ, ອົງການຈັດຕັ້ງສາກົນຕ່າງໆ ແລະ ຜູ້ບໍລິຫານລະດັບສູງຈາກບໍລິສັດຫຼາກຫຼາຍປະເທດ ແລະ ພາກພື້ນມາຮ່ວມພາຍໃນງານ.

ກອງປະຊຸມສຸດຍອດທຸລະກິດ ແລະ ການລົງທຶນ ອາຊຽນ ແມ່ນຈະໄດ້ມີພິທີເປີດງານຢ່າງເປັນທາງການ ໃນຕອນບ່າຍຂອງວັນທີ 8 ຕຸລາ 2024, ເວລາ: 15:00-15:45 ໂມງ, ທີ່ ໂຮງແຮມແລນມາກ, ນະຄອນຫຼວງວຽງຈັນ, ສປປ ລາວ. ກອງປະຊຸມສຸດຍອດທຸລະກິດ ແລະ ການລົງທຶນໃນປີນີ້ ແມ່ນຄາດຄະເນຈະໄດ້ເຊີນເອົາບັນດາຫົວໜ່ວຍທຸລະກິດຈາກ ສປປ ລາວ, ບັນດາປະເທດອາຊຽນ ແລະ ປະເທດອື່ນໆ ເຂົ້າຮ່ວມ ແລະ ລວມມີຜູ້ເຂົ້າຮ່ວມງານທັງພາກລັດ ແລະ ທຸລະກິດຕະຫຼອດໄລຍະກອງປະຊຸມ ຫລາຍກວ່າ 500-600 ຄົນ. ວາລະ ແລະ ເນື້ອໃນຂອງກອງປະຊຸມປະກອບມີດັ່ງນີ້:

– ຫົວຂໍ້ສົນທະນາທີ່ 1: ຈຸດຢືນຂອງອາຊຽນຕໍ່ກັບເສດຖະກິດພາກພື້ນ ແລະ ພູມສາດການເມືອງ ເສດຖະກິດໂລກ

– ຫົວຂໍ້ສົນທະນາທີ່ 2: ຈາກອາຊຽນເຖິງອາຊຽນ: ເພີ່ມທະວີການຄ້າ ແລະ ການລົງທຶນພາຍໃນພາກພື້ນ:

– ນອກນີ້ຈະມີຫົວຂໍ້ນຳສະເໜີພິເສດຢູ່ໃນວາລະດັ່ງກ່າວ: ຫົວຂໍ້ການເຊື່ອມໂຍງພັດທະນາຄົນສູ່ຄົນຜ່ານຊ່ອງທາງດ້ານກິລາ ແລະ ກິລາບານເຕະ ນຳສະເຫນີໂດຍ ປະທານສະຫະພັນບານເຕະໂລກ (Federation International Football Association-FIFA)

– ຫົວຂໍ້ສົນທະນາທີ່ 3: ການເຊື່ອມຕໍ່ອາຊຽນ – ເພີ່ມທະວີຄວາມເຂັ້ມແຂງການເຊື່ອມໂຍງເຊື່ອມຈອດ ແລະ ການສະໜອງຕ່ອງໂສ້ໃນຂົງເຂດຊາຍແດນ:

– Networking Lunch Session: ເພື່ອນໍາສະເຫນີໂຄງການມໍລະດົກຂອງອາຊຽນແບັກໃນການພັດທະນາໂຄງລ່າງລະບົບຕ່ອງໂສ້ການສະໜອງ ແລະ ການພັດທະນາເຕັກໂນໂລຊີ

– ຫົວຂໍ້ສົນທະນາທີ່ 4: ການຫັນເປັນດິຈິຕອລຂອງອາຊຽນ:

– ຫົວຂໍ້ສົນທະນາທີ່ 5: ການຫັນເປັນພະລັງງານອາຊຽນ:

– ຫົວຂໍ້ສົນທະນາທີ່ 6: ຄວາມໝັ້ນຄົງດ້ານສະບຽງອາຫານອາຊຽນ:

– Networking breakfast session (ສະເພາະທ່ານທີ່ໄດ້ຮັບບັດເຊີນ): ຫົວຂໍ້ການຄ້າ ແລະ ການລົງທຶນພາຍໃນພາກພື້ນ

– ຫົວຂໍ້ສົນທະນາທີ່ 7: ຍົກລະດັບການຮ່ວມມືອາຊຽນ-ຈີນ ພາຍໃຕ້ກອບສັນຍາການຮ່ວມມື FTA ແລະ RCEP:

– ຫົວຂໍ້ສົນທະນາທີ່ 8: ຕະຫຼາດທີ່ເປັນທ່າແຮງຂອງອາຊຽນ ແລະ ການເຊື່ອມໂຍງເສດຖະກິດຮ່ວມກັບພາກພື້ນກຸ່ມປະເທດຢູເຣເຊຍ:

– Networking Lunch Session: ເພື່ອນໍາສະເຫນີເຕັກໂນໂລຊີການຫັນປ່ຽນພະລັງງານ, ຍານພາຫະນະໄຟຟ້າ

– ຫົວຂໍ້ສົນທະນາທີ່ 9: ຕະຫຼາດທີ່ເປັນທ່າແຮງຂອງອາຊຽນ ແລະ ການເຊື່ອມໂຍງເສດຖະກິດອາຊຽນ-ອິນເດຍ ແລະ ພາກພື້ນອາຊີໃຕ້:

– Networking breakfast session: ທັດສະນະຂອງອາຊຽນຕໍ່ກັບອິນໂດປາຊີຟິກໃນຂະແຫນງການຕ່າງໆ

– ຫົວຂໍ້ສົນທະນາທີ່ 10: ການຈັດຕັ້ງປະຕິບັດທັດສະນະຂອງອາຊຽນຕໍ່ກັບອິນໂດປາຊີຟິກໃນຂະແຫນງການຕ່າງໆ:

6. ການຈັດງານເເຂ່ງຂັນລາງວັນທຸລະກິດອາຊຽນ 2024 ASEAN Business Award-ABA 2024)

ນອກຈາກຈະເປັນເຈົ້າພາບຈັດງານ ASEAN-BIS ແລ້ວ ຍັງຈະໄດ້ຈັດການເເຂ່ງຂັນລາງວັນທຸລະກິດອາຊຽນດີເດັ່ນປະຈຳປີ 2024 (ASEAN Business Award 2024-ABA) ທີ່ໄດ້ມີການຈັດຂື້ນເປັນທຸກປີ, ສໍາລັບການເເຂ່ງຂັນລາງວັນດັ່ງກ່າວແມ່ນໄດ້ມີການເປີດກ້ວາງໃຫ້ບັນດາຫົວໜ່ວຍທຸລະກິດປະເທດອາຊຽນເຂົ້າຮ່ວມສະມັກງາມອບລາງວັນເເມ່ນຈະຈັດຂື້ນໃນຕອນແລງວັນທີ 9 ຕຸລາ 2024, ທີ່ ໂຮງແຮມດອນຈັນພາເລສ, ນະຄອນຫຼວງວຽງຈັນ ເຊິ່ງເປົ້າຫມາຍເເຂກທີ່ຈະເຂົ້າຮ່ວມງານຈາກ ABIS & ABA . ສໍາລັບປະເພດລາງວັນປີນີ້ເເມ່ນປະກອບມີ 3 ປະເພດລາງວັນໃຫຍ່ຄື:

• ປະເພດລາງວັນເຊື່ອມໂຍງຂະແໜງການບູລິມາສິດດີເດັ່ນ: ເຊິ່ງບໍລິສັດຂະໜາດນ້ອຍ ແລະ ໃຫຍ່ ສາມາດສະຫມັກເເຂ່ງຂັນໄດ້ໂດຍເເບ່ງເປັນບໍລິສັດນ້ອຍ 1 ລາງວັນ ແລະ ບໍລິສັດ ຂະຫນາດໃຫຍ່ 1 ລາງວັນ ເຊິ່ງລວມມີ 20 ລາງວັນ ລາງວັນປະເພດດັ່ງກ່າວນີ້ລວມມີທັງຫມົດ 10 ຂະແໜງການເຊັ່ນ:

1. Agriculture/Agri-Food Based 5.Energy / Renewable Energy 8.Food and Beverages

2. Handicraft and Textiles 6.Digital Transformation 9.Infrastructure

3.Tourism 7.Transport and Logistics 10.Health Care

4.Education

• ປະເພດລາງວັນສຳລັບທຸລະກິດ SMEs ດີເດັ່ນເຊິ່ງສະຫງວໃຫ້ເເຕ່ບໍລິສັດທຸລະກິດ SME ເທົ່ານັ້ນທີ່ສາມາດສະຫມັກລາງວັນປະເພດນີ້ໄດ້ ໂດຍຈະປະກອບມີ 5 ຂະເເໜງການເຊັ່ນ:

1. SME-Growth

2. SME-Employment

3. SME-Innovation

4. SME- Corporate Social Responsibility (CSR)

5. SME-Digitalization

• ປະເພດລາງວັນພິເສດ ເຊິ່ງລາງວັນປະເພດນີ້ເເມ່ນບໍລິສັດຂະຫນາດນ້ອຍ ຫລື ຂະຫນາດໃຫຍ່ກໍ່ສາມາດສະຫມັກເເຂ່ງຂັນໄດ້ ໂດຍລາງວັນປະເພດນີ້ຈະປະກອບມີ 8 ຊະແໜງການເຊັ່ນ:

1. Woman Entrepreneur

2. Young Entrepreneur

3. Green Enterprise

4. Sustainable Social Enterprise

5. Family Business

6. Skill Development

7. Friend of ASEAN

8. ASEAN Special Awards

• ການດຳເນີນການເເຂ່ງຂັນ:

– ເເຈ້ງການອອກໄປຍັງບັນດາປະເທດສະມາຊິກອາຊຽນໂດຍຜ່ານສະພາການຄ້າ ຂອງ ເເຕ່ລະປະເທດເພື່ອເເຈ້ງເຖິງສະມາຊິກຂອງທຸກໆປະເທດໃນການສະຫມັກເຂົ້າເເຂ່ງຂັນເພື່ອປະກອບຟອມສະຫມັກນັບເເຕ່ວັນທີ 15 ພຶດສະພາ 2024 ເຖິງ 31 ກໍລະກົດ 2024

– ເຊິິ່ງຄະນະກຳມະການຈະປະກອບມີຕາງຫນ້າຈາກບັນດາ 10 ປະເທດອາຊຽນ ເພື່ອເປັນຕົວເເທນ ຂອງ ເເຕ່ລະປະເທດຮ່ວມກັນຕັດສິນຜູ້ຊະນະເເຕ່ລະປະເພດລາງວັນຢ່າງໂປ່ງໃສ ແລະ ຕາມເງື່ອນໄຂທີ່ວາງອອກ

– ພິທີມອບລາງວັນໃຫ້ເເກ່ຜູ້ຊະນະເລີດແມ່ນຈັດຂື້ນໃນຕອນເເລງ ຂອງ ວັນທີ 9 ຕຸລາ 2024, ທີ່ ໂຮງແຮມດອນຈັນພາເລສ, ນະຄອນຫຼວງວຽງຈັນ.

7. Package sponsor ສຳລັບການສະຫນັບສະຫນູນການເປັນເຈົ້າພາບຈັດກອງປະຊຸມ ASAEAN-BIS 2024 ແພັກເກັດການສະໜັບໜູນມີລາຍລະອຽດລຸ່ມນີ້:

• Dimond package ມູນຄ່າສະໜັບສະໜູນ 200,000 ໂດລາ

• Platinum Package ມູນຄ່າສະໜັບສະໜູນ 100,000 ໂດລາ

• Gold Package ມູນຄ່າສະໜັບສະໜູນ 50,000 ໂດລາ

• Silver package ມູນຄ່າສະໜັບສະໜູນ 25,000 ໂດລາ

ຕິດຕໍ່ພົວພັນເພີ່ມເຕີມ:

ໂທ: 02052562729 ທ. ສຸພັນທອງ

ໂທ: 02094443513 ນ. ລະມີຕາ

ອີເມວ: phonseyakai@gmail.com